لدۆر روودانا تەقەكرنا ترۆمبێلەكا وەلاتییێن هەرێما كوردستانێ ل باژێرێ نسێبینێ یێ باكوورێ كوردستانێ كو بۆ ئەگەرێ گیان ژدەستدانا چوار كەسان، پارێزگارێ دهۆكێ پەیامەك بەلاڤكر.
دكتۆر عەلی تەتەر، پارێزگارێ دهۆكێ راگەهاند، ب مخابنی ڤە شڤێدی ل باژێرێ نسێبینێ یێ وەلاتێ تورکیا تەقە ل ترۆمبێلەكێ كو پێنچ وەلاتییێن پارێزگەها دهۆكێ تێدابوون هاتیەكرن و د ئەنجامدا چار ژ وان بووینە قوربانی و ئێك ژی برینداربوویە، ئەڤێ روودانا دلتەزین شەرمزاردکەین.
هەروەسا پرسە و سەرەخۆشییێ ئاراستەی هەردوو بنەمالان و کەسوکارێن خودێ ژێ رازی ” حەجی عەبدولا رێکانی ” کو ئەو و هەڤژین و کچا وی دڤێ روودانا دلتەزین دا بووینە قوربانی و خێزانا خودێ ژێ رازی ” سەید جەلالەدین رێکانی ” دەیکا مەلا ئەحمەد رێکانی ” دكەین.
هیڤیا زوی چاکبوون و سلامەتییێ ژی بۆ بریندارێ روودانێ دخوازین و دیسان رادگەهینین لایەنێن پەیوەندیدار یێن هەردوو وەلاتان بۆ دوڤچوونا روودانێ دێ ب رێکارێن یاسایی رابن.
