سه‌رۆكێ حكومه‌تا هه‌رێما كوردستانێ دوڤچوونێ بۆ چاره‌نڤیسێ وى زارۆكى دكه‌ت یێ كو بۆ ده‌مێ چه‌ند رۆژانه بێسه‌رۆشوونبووی، و پارێزگارێ هه‌ولێرێ راسپارد هه‌ر چییا بۆ دیتنا وى زارۆكى پێدڤى بیت بكه‌ت.
مه‌سرور بارزانى سه‌رۆكێ حكومه‌تا هه‌رێما كوردستانێ دوڤچوونا چاره‌نڤیسێ ( ئه‌یوب ئه‌حمه‌د سه‌عدوللا ) یێ 13 سالى دكه‌ت، كو بۆ ماوێ حه‌ڤت رۆژانه ژ مال ده‌ركه‌ڤتییه و نه‌ڤه‌گه‌ریایه، هه‌روه‌سا سه‌رۆكێ حكومه‌تا هه‌رێما كوردستانێ پارێزگارێ هه‌ولێرێ راسپارد هه‌ر چییا بۆ دیتنا وى زارۆكى پێدڤى بیت بكه‌ت.
ئه‌یوب ئه‌حمه‌د سه‌عدوللا 13 سالییه و رۆژا سێشه‌مبى 24ى كانوونا دووێ یا 2023ێ ژ مال ده‌ركه‌ڤتییه كو ئاكنجییێ گه‌ره‌كا قه‌ره‌بوو یا سنۆرێ ناحییا كه‌سنه‌زانه و هه‌تا نه‌كو نه‌ڤه‌گه‌ریایه و بێ سه‌روشوونبوویه، و تیمێن لایه‌نێن په‌یوه‌ندیدار به‌رده‌وام بزاڤان بۆ دیتنا وى زارۆكى دكه‌ن.
