<h3 style="text-align: justify;"><span style="font-size: 18pt;">یانه‌یا چێلسى یا ئنگلیزى راگه‌هاند، یاریكه‌رێ ئه‌رجه‌نتینى ئینزۆ فێرناندێزى ژ یانه‌یا بێنفیكا یا پورتۆگالى په‌یوه‌ندى ب رێزێن وێ كر.</span></h3> <h3 style="text-align: justify;"><span style="font-size: 18pt;">یاریكه‌رێ 22 سالى ئه‌ڤرۆ گه‌هشته یاریگه‌ها ستامفۆرد بریدج ل له‌نده‌نا پایته‌ختێ ئنگلته‌را و بۆ ماوێ هه‌شت سال و شه‌ش هه‌یڤان هه‌ڤبه‌ست دگه‌ل یانه‌یا بلۆز گرێدا.</span></h3> <h3 style="text-align: justify;"><span style="font-size: 18pt;">ب ڤێ چه‌ندێ هه‌لگرێ ناسناڤێ مۆندیالا قه‌ته‌رێ دبیته بهاترین یاریكه‌ر د دیرۆكا خۆلا ئنگلته‌را دا، پشتى یانه‌یا له‌نده‌نى 121 ملۆۆن یورۆ بۆ گرێدانا هه‌ڤبه‌ستا وى پێشكێشى یانه‌یا پورتۆگالى كرین، و ریكۆردا یاریكه‌رێ ئنگلیزى ل یانه‌یا مانچێسته‌ر سیتى جاك گریلێچى شكاند، كو یاریكه‌رێن ناڤبرى به‌رى ساله‌ك و شه‌ش هه‌یڤان به‌رامبه‌ر 115 ملیۆن یورۆیان په‌یوه‌ندى ب قاره‌مانا خۆلا نایابا ئنگلته‌را كربوو.</span></h3>
