ئەڤرۆ ل سەلاحەددین سەرۆك مەسعود بارزانی پێشوازی ل مایك برایسون ریچاردسۆن، بالیۆزێ بریتانیا ل عیراقێ كر.
د كۆمبوونا خۆە دا كو رۆزی كەیڤ، كۆنسولا بریتانیا ل هەولێرێ ژی ئامادەبوو هەردوولا رەوشا سیاسی یا دەڤەرێ و دوماهی پێشهاتێن پرۆسا سیاسی یا هەرێما كوردستانێ گۆتوبێژكرن و بالیۆزێ بریتانیا ل عیراقێ خۆشحالییا خۆە ب پێنگاڤێن لایەنێن سیاسی بۆ گەهشتنێ ب چارەسەرییێن گونجای و هەڤپشك نیشاندا.
هەر د وێ دیدارێ دا سەرۆك بارزانی دۆپات كر كو بەرژەوەندییا گەلێ كوردستانێ ل سەر هەموو بەرژەوەندییێن دی یە و پێدڤییە هەلبژارتنێن هەرێما كوردستانێ بهێنەكرن و هیچ بیانوویەك بۆ پاشخساتنا وان ناهێتە قەبیلكرن.
هەردوولا چاكسازییێن وەزارەتا پێشمەرگەی ژی گۆتوبێژكرن و دۆپاتی ل وێ یەكێ هاتەكرن ئەو چاكسازی و رێكخستن و نویكرنە دگەل پرەنسیپ و سەروەرییێن هێزێن پێشمەرگەیێ كوردستانێ د هاوتابن.
