چه‌ند وه‌لاتان نو‌نه‌راتیێن خۆ ل توركیا دائێخستن

مه‌ولوود چاویش ئۆغلۆ، وه‌زیرێ ده‌رڤه‌ یێ توركیا پشتى كۆمبوونا وى دگه‌ل سانتیاگۆ کافیرۆ، وه‌زیرێ كاروبارێن ده‌رڤه‌ و بازرگانى یێ ناڤده‌وله‌تیێ ئه‌رجه‌نتین د كونگره‌كێ رۆژنامه‌ڤانیدا لدور دائێخستنا نونه‌راتیێن هنده‌ك وه‌لاتان ب ره‌نگه‌كێ كاتى ل ئه‌نقه‌ره‌یا پایته‌ختێ وى وه‌لاتى گوت: ئه‌و وه‌لاتێن كۆنسولخانه‌ و بالیۆزخانێن خۆ دائێخستین بێى كو هوركاتیان دگه‌ل مه‌ باسبكه‌ن، ئه‌ڤ پێنگاڤه‌ ب مه‌ره‌م هاڤێتینه‌.
د به‌رسڤا پسیاره‌كێدا لدور بانگهێشتكرا بالیۆز و نوینه‌رێن چه‌ندین وه‌لاتان بۆ وه‌زاره‌تا ده‌رڤه‌یا یا توركیا كو ئاگه‌هداریێن ئه‌منى به‌لاڤكرینه‌ و ب ره‌نگه‌گێ كاتى پشكه‌ك ژ كۆنسوسلخانه‌ و نوینه‌راتیێن دیپۆماتیك ل توركیا دائێخستینه‌، چاوشئۆغلۆ راگه‌هاند، هنده‌ك وه‌لاتێن رۆژئاڤا هه‌مى خزمه‌تگوزارى یین ل ناڤا بالیزخانێ راگرتینه‌ و كۆنسولخانێن خۆ یێن دائێخستین.