ئاژانسا خانی ” تایبەت:
بەرپرسەکێ وەزارەتا چاندنێ دیار کر، دەرچوویێن پشکێن چاندنێ دێ ب چەند قوناغان ھێنە دامەزراندن و دبێژیت، نوکە خۆلێن راھێنانێ بۆھاتینە ڤەکرن.
ھیوا عەلی، رێڤەبەرێ راگەھاندنا وەزارەتا چاندنێ بۆ ئاژانسا خانی دیارکر” ل سەر ئاستی پارێزگەھان و ئیدارێن سەربه‌خۆ خۆلێن راھێنانێ بۆ دەرچوویێن پشکێن چاندنێ دھێنە برێڤەبرن و پرۆسا برێڤەبرنا خۆلێن راھێنانێ دێ بەردەوامی ھەبیت ھەتا ھەموو دەرچوویێن چاندنێ خۆلێن راھێنانێ ب دووماھی دئینن و لدووڤدا ب چەند قووناغان دێ دەرچوویێن چاندنێ ئەڤێن فۆرم پرکرین دێ ھێنە دامەزراندن.
ناڤهاتی گۆت ژی” پتری ١١ ھزار دەرچوویان فۆرمێن دامەزراندن پر کرینە و داخوازا دامەزراندنێ دکەن، وەزارەتا چاندنێ ژی لدووڤ پلانەکێ دێ کار بۆ دامەزراندنا وان دەرچوویان کەت” مەرەم ژ ڤەکرنا خۆلێن راھێنانێ ئەوە دەمێ دھێنە دامەزراندن داكو بەرھەڤبن بۆ برێڤەبرنا پڕۆژان.
