<h3></h3> <h3></h3> <h3><span style="font-size: 18pt;"> ئاژانسا خانی " زنار تۆڤی:</span></h3> <h3></h3> <h3><span style="font-size: 18pt;">ئه‌ندامه‌كێ لژنا دارایی ل جڤاتا نوونه‌رێن عیراقێ ئاشكرا كر" ئه‌و پێشبینی دكه‌ن د پرۆژه بۆدجه‌یێ عیراقێ دا بۆ سالا 2023 ێ بهایێ 100 دولاران ب 140 هزار دیناران بهێته جهگیر كرن" ژ پێخه‌مه‌ت بهایێ دۆلاری دناڤا بازاری بهێته خوار" هه‌تا نوكه بۆدجێ عیراقێ ژی سه‌را ڤی بابه‌یی یێ مایه راوه‌ستییایی" چونكی هه‌كه دۆلارێ بانكێ نه‌هێته فرۆتن" حكومه‌ت نه‌شێت پرۆژه بوجه‌یی ژی بجهـ بینیت.</span></h3> <h3><span style="font-size: 18pt;">د. خه‌لیل غازی، ئەندامێ لژنا دارایی ل جڤاتا نوونه‌رێن عیراقێ بۆ ئاژانسا خانی دیار كر: "پێشنیاره‌ك هەیە د پرۆژه قانوونا بۆدجه‌یێ گشتی یێ سالا 2023 ێ یێ عیراقێ بهایێ 100 دۆلاران بكه‌نه 140 هزار دینار، هه‌ر چه‌نده هێشتا ئه‌ڤ چه‌نده پێشنییاره و نه‌بوویه بریاره‌كا فه‌رمی" دیسان بانكا ناڤەندی ژی پێشنیار کرییە هەر 100 دۆلار ب 140 هزار دیناران بهێته فرۆتن.</span></h3> <h3><span style="font-size: 18pt;">وی ئەندامێ لژنا دارایی ل پەرلەمانێ عێراقێ گۆت ژی: ئه‌گه‌رێ باشبوونا ره‌وشا دینارێ عیراقی هەیە و پشتی كۆمبوونا شاندێ عیراقێ ئه‌مریكا ل واشنتۆنا پایته‌ختێ ئه‌مریكا" ئه‌م چاڤه‌رێ دكه‌ین ل 10 شواتێ پێشڤه‌چوونێن باش هه‌بن و د هه‌مان ده‌مدا" گه‌له‌ك تشت دێ دیار بن" پشتی كو شاندێ عیراقێ ژی ژ ئه‌مریكا دزڤریت" هه‌كه بهایێ دۆلاری داكه‌ڤیت و بگه‌هییته وێ رێژا حكومه‌تا عیراقێ دڤێت " دێ د ناڤا بۆدجه‌یی دا په‌سه‌ند كه‌ن" لێ هه‌كه نه‌هێته خوار" پێشنییار هه‌یه" د پرۆژه بۆدجه‌یی دا بهایێ 100 دۆلاران بكه‌نه 140 هزار دینار.</span></h3> <h3></h3>
