ل دهۆكێ نه‌فتا بێ به‌رامبه‌ر ب سەر وه‌لاتییان دا هاته‌ دابەش كرن

ئاژانسا خانی ” زنار تۆڤی:

محسن تاها، رێڤەبەرێ نەفت و كانزایان ل پارێزگه‌ها دهۆكێ بۆ ئاژانسا خانی دیار كر: ده‌رئه‌نجامێ سه‌ر‌ه‌دانا سه‌روكێ حكومه‌تا هه‌رێما كوردستانێ بۆ به‌غدا، نه‌فتا بێ به‌رامبه‌ر بۆ خه‌لكێ كێمده‌رامه‌ت، كو دو ملیۆن لترێن نه‌فتا سپی بوون هاتینه‌ رەوانە كرن و لدووڤ بەرنامەكێ دارێژتی ب سەر خەلكێ كێمده‌رامه‌ت دا هاته‌ دابەش كرن.

ناڤهاتی گۆت ژی: ئه‌ڤه‌ چه‌ند رۆژه‌ ئه‌و‌ نه‌فته‌ دهێته‌ دابەش كرن، ل هەر قەزایەكێ لیستا ناڤێن خێزانێن هەژار و كێمدەرامەت هاتینه‌ ئامادە كرن، داكو وێ نه‌فتا بێ به‌رامبه‌ر وه‌ربگرن.”

ئه‌و چه‌ند ژی دیار كر: ل پارێزگه‌ها دهۆكێ 357 هزار لترێن نه‌فتا سپی يا یا بێ به‌رامبه‌ر ل سه‌ر سێ هزار 570 سه‌رۆك خێزانان دهێنه‌ دابه‌شكرن و هه‌ر خێزانه‌ك دێ 100 لترێن نەفتا بێ بەرامبەر وەرگریت و ل سه‌نته‌رێ باژێرێ دهۆكێ 1609 خێزان دێ مفادار بن.