د تویته‌كیدا هه‌ڤپه‌یمانییا نێڤده‌وله‌تییا دژى داعشێ داخواز ژ پارتى دیمۆكراتى كوردستان و ئێكه‌تییا نیشتیمانى كوردستان كر، هاریكارییا ئێك و دوو بكه‌ن و یاداشتنامه‌یا لێكتێگه‌هشتنێ دناڤبه‌را ئه‌مریكا و وه‌زاره‌تا پێشمه‌رگه‌یێ حكومه‌تا هه‌رێما كوردستانێدا بجهبینن.
د تویتێ هه‌ڤپه‌یمانییا نێڤده‌وله‌تیدا ئاماژه ب هندێ هاتییه دان، هه‌ڤپه‌یمانییا نێڤده‌وله‌تى شانازییێ ب هندێ دبه‌ت كو هه‌ڤپشكا پێشمه‌رگه‌ییه و پابه‌ندییێ ب به‌رده‌وامییا شیره‌تكارى و هاریكاریكرنا هیزێن پێشمه‌رگه‌یێ كوردستانێ بۆ ژناڤبرنا داعشێ دكه‌ت.
هه‌روه‌سا كۆنسولخانه‌یا گشتییا ئه‌مریكا ل هه‌ولێرێ د تویته‌كیدا دووپاتكر، پێشوازییێ ل هه‌ماهه‌نگى و نێزیكبوونا پارتى دیمۆكراتى كوردستان و ئێكه‌تییا نیشتیمانى كوردستانێ سه‌باره‌ت چاكسازییا وه‌زاره‌تا پێشمه‌رگه‌ى دكه‌ن، و ئاماژه ب هندێ دا ئێكگرتییا هه‌رێما كوردستانێ دێ بیته ئه‌گه‌رێ پاراستنا ئاسایش و سه‌قامگێرییا عیراق و ده‌ڤه‌رێ ب گشتى.
