وه‌زیرێ ساخله‌مییێ هه‌وه‌كا كۆمكرنا ده‌رمانان بۆ قوربانییێن ئه‌ردهه‌ژێن توركیا و سووریا راگه‌هاند

د. سامان به‌رزنجى وه‌زیرێ ساخله‌مییا هه‌رێما كوردستانێ د پرێسكۆنفرانسه‌كیدا ژ چارچووڤێ كه‌مپینه‌یا كۆمكرنا هاریكارییان و هه‌وار چوونا قوربانییێن باكوور و رۆژئاڤایێن كوردستانێ، هه‌وا كۆمكرنا ده‌رمانان راگه‌هاند.

وه‌زیرێ ساخله‌مییێ گوت: ل سه‌ر فه‌رمانا سه‌رۆكێ حكومه‌تا هه‌رێما كوردستانێ، هه‌تا نوكه‌ ل سه‌ر ئه‌ركێ حكومه‌تێ زێده‌تر ژ 20 ته‌نێن ده‌رمانان و 84 نوشدار و كارمه‌ندێن ساخله‌مییێ و 25 ترۆمبێلێن هه‌وارهاتنێ ل باكوورێ كوردستانێنه‌.

و زێده‌تر دیاركر، ئه‌و دخوازن كۆمپانییێن دى یێن كه‌رتێ تایبه‌ت پشكدارییێ د هه‌وا كۆمكرنا ده‌رمانان و پێدڤییێن نوشداریدا ب سه‌رپه‌رشتییا حكومه‌تا هه‌رێما كوردستانێدا بكه‌ن، و خزمه‌تێن خوه‌ بگه‌هیننه‌ رێڤه‌به‌رییێن ساخله‌مییێ ل هه‌موو باژێران.