ئاژانسا خانی: تایبەت
جێگرێ بەرێ یێ سەرۆکێ پەرلەمانێ عێراقێ لدۆر بڕیارێن دادگەھا فیدڕال ھۆشدایێ ددەت و دبێژیت، دادگەھا فیدڕاڵی بویە ئەگەرێ تێکدانا ئارامییا سیاسی و پێدڤیە ھەرێم مرنێ نیشا بەغدا بدەت ھەتا ب تایێ رازی ببیت و ھەلویست ھەبیت.
دکتۆر بەشیر حەداد، جێگرێ بەرێ یێ سەرۆکێ پەرلەمانێ عێراقێ بۆ ئاژانسا خانی دیارکر” دادگەھا فیدڕالی ل ھەموو وەلاتێن سیستەمێ فیدڕالی بووینە ئەگەرێ پەیداکرنا ئارامیا سیاسی بەرۆڤاژی تنێ ل عێراقێ دادگەھا فیدڕال بوویە ئەگەرێ تێکدانا سەقامگیریا سیاسی و ئەو لێک تێگەھشتنێن ناڤبەرا لایەنێن سیاسی ھەنە ژی ژلایێ دادگەھا فیدڕال دھێنە تێکدان، ل گەڕێن بەرێ دادگەھا فیدڕال بڤی رهنگى بڕیارێن بلەز و بێی بەرچافگرتنا رەوشا سیاسی نەدھاتنە دەرکرن.
دکتۆر بەشیر حەداد گۆتژی” لایەنگری ب بڕیارێن دادگەھا فیدڕالڤە دیارە و پێدڤیە ھەرێما کوردستانێ ژی بەری دەرچوونا ھەر بڕیارەکا دادگەھا فیدڕال خوە بەرھەڤبکەت، بدیتنامن دڤێت ھەرێما کوردستانێ گڤاشتنان لسەر بەغدا بکەت لدۆر بڕیارێن دادگەھا فیدڕال و مرنێ نیشا بەغدا بدەت ھەتا ب تایێ رازیبن، چونکە مەترسی ھەیە ل پرسا پشکا بۆدجێ ھەرێما کوردستانێ دادگەھا فیدڕالی بڕیارێن دژی ھەرێمێ بدەت.
