ئازاد کۆرەچی: چ لایەنان ماف نینە کۆرسی یێن پێكهاتان کێم بکەن

ئاژانسا خانی ” تایبەت:

نوونەرەکێ پێکھاتان پەرلەمانێ کوردستانێ ئاشکرا کر، چ لایەنەکی ماف نینە داخوازا کێمکرنا کۆرسی یێن کۆتان بکەت و دبێژیت، ئەگەر پێنگاڤەکا ب ڤی ره‌نگی بھێتە هاڤێتن دێ ئەزموونا ھەرێما کوردستانێ نەشرین کەت.

ئازاد کۆرەچی، نوونەرێ تورکومانان ل پەرلەمانێ کوردستانێ بۆ ئاژانسا خانی دیار کر” لدووڤ قانوونێ کۆرسی یێن کۆتا ھاتینە دیار کرن و ھیچ لایەنەکی ماف نینە داخوازا کێمکرنا کۆرسی یێن کۆتا بکەت، ژبەرکو ئێک ژ جوانی یێن ئەزموونا ھەرێما کوردستانێ ھەبوونا ھژمارەکا ئایین و نەتەوێن جۆدایە و ئەو پێکڤە ژیان و کارکرنا پێکڤە ل ھەرێما کوردستانێ ھەیە ل جیھانێ دەنگڤەدایە و پێدڤییە زێدەتر گرنگی ب ڤێ پێکڤە ژیانا ھەموو پێکھاتەیان بھێتە دان، بەرۆڤاژی ھەر پێنگاڤەک بۆ کێمکرنا کۆرسی یێن کۆتا ھەبیت دێ ئەزموونا ھەرێما کوردستانێ نەشرین کەت.

ناڤهاتی گۆت ژی” ئەم نوونەرێن پێکھاتەکێ دیارین و دڤێت سیستەمێ ھەلبژارتنان ئێک بازنەبیت، چونکی ئاسایە بۆ لایەنێن سیاسی چەند بازنەیەک ھەبن، چونکی پەرلەمانتارێن لایەنێن سیاسی نوونەراتییا لایەنەکێ سیاسی یێ دیار دکەن، بەلێ پێکھاتە ل ھەر دەڤەرەکێ ھەبن ب تنێ نوونەرایەتیا خوە دکەت، لەوما باشترین سیستەم بۆ ھەلبژارتنان کۆرسی یێن کۆتا سیستەمێ ئێک بازنەیە.