سه‌رۆكێ حكومه‌تێ ره‌زامه‌ندى ل سه‌ر ته‌رخانكرنا زێده‌تر ژ حه‌فت ملیار دیناران بۆ پشته‌ڤانیكرنا قوتابیان دا

فه‌رمانگه‌ها میدیا و زانیارییان یا حكومه‌تا هه‌رێما كوردستانێ راگه‌هاند، سه‌رۆكێ حكومه‌تا هه‌رێمێ ره‌زامه‌ندى ل سه‌ر ته‌رخانكرنا زێده‌تر ژ حه‌فت ملیار دیناران بۆ پشته‌ڤانیكرنا قوتابیان دا.

فه‌رمانگه‌ها میدیا و زانیارییان ئاشكراكر، ژ چارچووڤێ كارنامه‌یا كابینه‌یا نه‌هێ یا حكومه‌تا هه‌رێما كوردستانێ، مه‌سرور بارزانى سه‌رۆكێ حكومه‌تێ ره‌زامه‌ندى ل سه‌ر خه‌رجكرنا زێده‌تر ژ حه‌فت ملیار و 250 ملیۆن دینارێن هه‌یڤانه‌ وه‌كو پشته‌ڤانییه‌ك بۆ قوتابى و خوێندكارێن زانكۆ و په‌یمانگه‌هێن هه‌رێما كوردستانێ و دابینكرنا خزمه‌تگوزارییان بۆ پشكێن ناڤخۆ بۆ سالا ( 2022 – 2023 )ێدا.

هه‌روه‌سا دیاركر، ئه‌ڤ كوژمه‌ دێ وه‌كو یێ سالا خواندنێ ( 2021 – 2022 ) ل سه‌ر بوودجه‌یا زانكۆ و په‌یمانگه‌هان هێته‌ ته‌رخانكرن.