<h3 style="text-align: justify;"><span style="font-size: 18pt;">ڤهكۆلینهك ل كهنهدا دیاردكهت، گهلهك بكارئینانا ئامیرێن ئهلكترۆنى ب تایبهتى مۆبایل و ئایپادان دبیته ئهگهرێ لاوازبوون و پێتیبوونا زهڤلهكان.</span></h3> <h3 style="text-align: justify;"><span style="font-size: 18pt;">ڤهكۆلهرێن زانكۆیا تۆرێنتۆ ل كهنهدا راگههاندن، ئهو كهسێن رۆژانه بۆ دهمهكێ درێژ ئامیرێن ئهلكترۆنى بكاردئینن، چالاكییا جهستهیێ وان كێم دبیت و دهمێن وان یێن خوارنێ تێكدچن، و دهرئهنجامێ وێ دبیته ئهگهرێ بچووكبوون و پێتیبوونا زهڤلهكان.</span></h3> <h3 style="text-align: justify;"><span style="font-size: 18pt;">دڤهكۆلینێدا دوو هزار و 500 گهنجێن پێگههشتى یێن كهنهدا تێدا دپشكداربوون و دهركهڤت، ئهوێن بۆ دهمهكێ درێژ تۆرێن جڤاكى بكاردئینن، تهماشهى تلهڤزیۆنێ دكهن و مۆبایل و ئایپادان بكاردئینن، ژیانا وان نهیا رێكخستییه و تووشى پێتیبوونا زهڤلهكان بووینه.</span></h3> <h3 style="text-align: justify;"><span style="font-size: 18pt;">د. كایل جانسۆن، سهرپهرشتێ ڤهكۆلینێ دبێژیت: كێمییا وهرگرتنا پرۆتینان و چالاكییا جهستهیى، ئهگهرێن سهرهكى یێن پێتیبوونا زهڤلهكانه، ههروهسا ئاشكراكر، ئامیرێن ئهلكترۆنى ژبلى كو كارتێكرنێ ل دهروونى دكهن، كارتێكرن ل سهر حهزا خوارنێ ژى ههیه.</span></h3> <h3 style="text-align: justify;"><span style="font-size: 18pt;">د. كایل جۆنسۆن دبێژیت: دناڤ پشكدارێن ڤهكۆلینێدا ژن پتر تووشى پێتیبوونا زهڤلهكان ببوون، ئهڤهژى ژبهر هندێیه كو ژنان رێژهیهكا كێمتر ژ یا زهلامان زهڤلهك ههنه.</span></h3> <h3 style="text-align: justify;"><span style="font-size: 18pt;">ههروهسا دیاركر، بكارئینانا ئامیرێن ئهلكترۆنى كۆمهكا دییا ئاریشهیان وهكو كێم نڤستن، دووركهڤتن ژ سپۆرێ، نهرێكییا خهوێ و تێكچوونا دهروونى درووستدكهن.</span></h3> <h3 style="text-align: justify;"><span style="font-size: 18pt;">ژلایهكێ دیڤه رێكخراوا ساخلهمییا جیهانى رادگههینیت، د ڤان سالانێن دووماهییێدا، بكارئینانا ئامیرێن ئهلكترۆنى ل دهڤ گهنجان گهلهك زێدهبوویه، و ئهڤێ چهندێ دێ پاشمایێن مهترسیدان ههبن و دووڤچوونهكا زێدهتر دڤێت، ب تایبهت ئهگهر ب شێوهیهكێ زانستى و سنۆرداركرى نههێنهبكارئینان.</span></h3>
