عومەر بەكر، بەرپرسێ پەیوەندییێن پشكا رەوشەنبیری و ڕاگەهاندنا پارتی تایبەت بۆ ئاژانسا خانی ڕاگەهاند، بڕیارە شاندێ پارتی ئەڤرۆ ل دەمژمێر 10:30 سپێدێ ب سەرۆكایەتییا مەحمود محەمەد، ئەندامێ دەستەیا کارگێڕی ل مەکتەبا سیاسییا پارتی، سەرەدانا بزاڤا دیموكراتییا ئاشووری بكەت.
عومەر بەكر گۆت، د سەرەدانا شاندێ پارتی دا بڕیارە ل دەمژمێر 11:30ێ بەری نیڤرۆ سەرەدانا جڤاتا نەتەوەیێن کلدانی، پارتی دیموکراتی کلدانی، بزاڤا گردبوونا سریانی، پارتا بیت النهرەین دیموکراتی، ڕابیتا کلدانی، کیان شلاما بكەت.
بەرپرسێ پەیوەندییێن پشكا رەوشەنبیری و ڕاگەهاندنا پارتی دیاركر، هەروەسا د چارچووڤێ سەرەدانا پارتی دا بڕیارە ئەڤرۆ دەمژمێر 2 نیڤرۆ شاندێ پارتی سەرەدانا پارتا چاکسازییا تورکمان، پارتا رزگاری نەتەوەیێن تورکمان، یانەیا برایەتی تورکمان، پارتا نیشتیمانییا تورکمان، تورکمان ایلی، بزاڤا بێ لایەنی تورکمان، بزاڤا دیموکراتییا تورکمان، پارتا ئێكگرتییا تورکمان بكەت.
