دەسهەلاتا دادوەری یا عیراقێ فەرمانا دەستەسەرکرنێ بۆ هەر ئێک ژ، وەزیرێ دارایی، ڕێڤەبەرێ نڤیسینگەها سەرۆکێ حکومەتێ، سکرتێرێ سەرۆکێ حکومەتێ و شیرەتکارێ سیاسی یێ سەرۆکێ حکومەتێ، یێن حکومەتا پێشتر یا عیراقی دەرکریە، نڤیسینگەها ڕاگەهاندنا مستەفا کازمی سەرۆکوەزیرێن پێشتر یێ عیراقێ د ڕاگەهاندنەکێدا بەلاڤکریە، ئەوا دهێتە کرن خۆ دەرخستنەکا میدیاییە بۆ بەرزەکرنا تۆمەتبارێن سەرەکی.
نڤیسینگەها ڕاگەهاندنا مستهفا كازمی سهرۆكوهزیرێن پێشتر یێ عیراقێ، ئەڤرۆ شەمبی 4 ئادارا 2023، د ڕاگەهاندنەکێدا بەلاڤکریە، ئەوا دهێتە کرن ئاراستەیەکێ سیاسییە، بۆ لێدانا هەمی وان کەسایە یێن کو دگەل حکومەتا پێشتر یا عیراقێ دا کارکری.
هەروەسا د ڕاگەهاندنا نڤیسینگەها ڕاگەهاندنا مستهفا كازمی دا ئاماژەکریە، ب سەدان فەرمانبەرێن دەولەتێ، نەچاری دویرئێخستن و دەرکرنێ بووینە، بتنێ ئەگەر ئەوە کو دگەل حکومەتا پێشتر کارکرینە.
