نێچیرڤان بارزانی، سەرۆكێ هەرێما كوردستانێ ئەڤرۆ ب هەلكەفتا سەرهلدانێ د پەیامەكێدا ڕاگەهاند، 32 سالیا سەرهلدانا مەزن یا ئادارا سالا 1991ێ ل خێزانێن سەربلندێن شەهیدێن سەرهلدانێ، شەهیدێن كوردستانێ، پێشمەرگەیێن قاهرەمان و هەمی گەلێ كوردستانێ ب و پێكهاتەیان پیرۆز دكەم، ب ڕێز و شانازی سالڤەگەرا شەهیدان دكەین، سلاڤ و ڕێزان بۆ گیانێ پاك دهنێرین.
نێچیرڤان بارزانی ڕاگەهاند، سەرهلدانێ هەستانەیەكا دیرۆكی و ئێكلاكەرەكا گشتی یا گهلێ كوردستانێ بوو ب ههمی چين و جڤاك و پێكهاتان كو ب پشتەڤانییا پێشمهرگەی ل دژى ستهم و زۆردارییێ سەرهلدان بۆ ژيان و پاشەرۆژەكا باشتر بۆ گهلێ كوردستانێ.
سەرۆكێ هەرێما كوردستانێ دیاركر، ئێكڕێزی و تەڤایی ئەگەرێ سهركهفتنا سەرهلدانێ بوو، دڤێت نوكە گەلێ كوردستانێ ب هەمی پێكهاتان و هێز و ئالییێن سياسی ڤە، وانهیا سەركەفتنێ ژ سەرهلدانێ وهربگرن، دڤێت ئێكڕێزی و تەڤایی و ئێكدووقەبویلكرنێ و پێكڤەكاركرن، بكهنه هێڤێنێ سهركهفتن و پاشەرۆژەكا باشتر بۆ گەلێ مە.
نێچیرڤان بارزانی، سەرۆكێ هەرێما كوردستانێ دووپات ل هندێ كر، دڤێت بزاڤ و شیان بهێنهكرن داكو هەمی پێكڤە كاربكەن بۆ ب دەستڤەئینانا ئارمانجا پیرۆزا سەرهلدانێ و ئەو خێزانێن شەهیدان گیانێ خۆ كرییە قوربان، وەك چەوا ل سەرهلدانێدا سەركەفتین، نوكە ژی سەركەفتن و مسوگەركرنا پاشەرۆژەكا باشترین بۆ گەلێ كوردستانێ ، ئهڤ چهنده ب تنێ پێدڤی ب ئێكرێزی و تەڤاهی و هەڤگرتن و ئێكدووقەبویلكرنێ نە.
