سه‌رۆكێ حكومه‌تا هه‌رێما كوردستانێ داخوازێ ژ تیما وه‌زارى یا ئێكه‌تییێ دكه‌ت ڤه‌گه‌ریته‌ كۆمبوونێن جڤاتا وه‌زیران

دكۆمبوونا ئه‌ڤرۆ یا جڤاتا وه‌زیراندا سه‌رۆكێ حكومه‌تا هه‌رێما كوردستانێ راگه‌هاند، ئه‌وان چه‌ندین جاران داخواز ژ تیما وه‌زارى یا ئێكه‌تییا نیشتیمانى كوردستان كرییه‌ پشكدارییێ دكۆمبوونێن جڤاتا وه‌زیراندابكه‌ن و ل ئاستێ به‌رپرسیارییا خۆ و خه‌لكى و په‌رله‌مانى بن، لێ ب مخابنیڤه‌ هه‌تا نوكه‌ رێك پێ نه‌هاتییه‌دان پشكدارییێ بكه‌ت.

جڤاتا وه‌زیران ئه‌ڤرۆ شه‌شى ئادارا 2023ێ ب سه‌رپه‌رشتییا مه‌سرور بارزانى ب سه‌رۆكێ حكومه‌تا هه‌رێما كوردستانێ كۆمبوو.

دپشكه‌كا كۆمبوونێدا سه‌رۆكێ وه‌زیران داخواز ژ تیما وه‌زارى یا ئێكه‌تى نیشتیمانى كوردستان كر ڤه‌گه‌ریته‌ كۆمبوونێن جڤاتا وه‌زیران، ژبه‌ركو نه‌پشكدارییا وان د كۆمبووناندا و ره‌ڤین ژ په‌رپرسیاره‌تییان چ ئاریشه‌یان چاره‌سه‌ر ناكه‌ت، دڤی بیاڤیدا سه‌رۆكێ وه‌زیران گوت: ئه‌وان چه‌ندین جاران داخواز ژ تیما وه‌زارى یا ئێكه‌تییا نیشتیمانى كوردستان كرییه‌ پشكدارییێ دكۆمبوونێن جڤاتا وه‌زیراندا بكه‌ت و ل ئاستێ به‌رپرسیارییا خوه‌ و خه‌لكى و په‌رله‌مانى بیت، و ب نڤیسارا فه‌رمى ژى داخواز ژێ كرییه‌ ڤه‌گه‌ریت، لێ ب مخابنیڤه‌ هه‌تا نوكه‌ رێك پێ نه‌هاتییه‌دان پشكدارییێ بكه‌ت.

سه‌رۆكێ وه‌زیران گوت ژى، جڤاتا وه‌زیران جهێ خزمه‌تكرنا خه‌لكى و چاره‌سه‌ركرنا ئاریشه‌یانه‌، و نه‌پشكداریكرن د كۆمبووناندا و ره‌ڤین ژ به‌رپرسیارییێ، چ ئاریشه‌یان چاره‌سه‌ر ناكه‌ت و به‌رۆڤاژى وێ به‌رامبه‌ر سووندا قانوونى یا خوه‌ و یا خه‌لكێ كوردستانێ دێ كه‌ڤنه‌ به‌ر په‌رپرسیاره‌تییه‌كا مه‌زن.