ئهڤرۆ ب ههلكهفتا رێكهفتنا دیرووكى یا 11ى ئادارێ سهرۆك بارزانى پهیامهك بهلاڤكر و راگههاند ئهڤه دهڤێ وێ یه:
بناڤێ خودێ مهزن و دلۆڤان
رێكهفتا یازدهى ئادارێ ئێكه ژ دهستكهفتێن گرنگ یێن بزووتنهوهیا رزگاریخوازا گهلێ كوردستانێ. گرنگیا وێ روودانا دیرووكى د هندێ دایه، ژ ئهنجامێ خهبات و شورهشا گهلێ كوردستان و پارتى ب سهركردایهتیا بارزانى، رژێما وى دهمى یا عیراقێ ناچاركر كو ل یازدهى ئادارا 1970دا بۆ ئێكهمجار و ب شێوهكێ فهرمى دانپێدانێ ب پشكهك ژ مافێن وهلاتێ مه بكهت. ئهو مافێن ل دهستپێكا دروستبوونا دهولهتا عیراقێ داكوكى لسهر دهاته كرن كو وان ژناڤبربوو، رێكهفتناما 11ى ئادارێ بهرههمێ خهبات و قوربانیدانا پێشمهرگه و جهماوهر و ههمى چین و تهخ و پێكهاتێن ئاینى و نهتهوهیى یێن كوردستانێ بوو. 11ى ئادارێ پێناسه و ههبوونا گهلێ كوردستانێ لناڤ دهولهتا عیراقێ بهرهڤ قوناغهكا بلندتر بر و باوهی بخۆبوون لناڤ تاكێ كوردستانێ بهێزتر لێكر. كو ژێما عیراقێ پشتا خۆدا مافێن خهلكێ كوردستانێ و رێكهفتنا یازدهى ئادارێ پێشێل كر بهلێ ئهو دهستكهفت دهرازینكهك بوو بۆ قۆناغ و پێنگاڤێن مهزنتر یێن خهباتا مللهتێ مه و بدهستڤهئینانا دهستكهفت و سهركهقتنێن زێدهتر.
ل پێنجى و سێ سالیا رێكهفتنا یازدهى ئادارێ سهرهراى هندێ كو دۆپاتیێ ل پهیاما ئاشتیخوزایى و پێكڤهژیانا گهلێ كوردستانێ دكهین، ب ڤێ ههلكهفتێ بیرا ههمى لایهكێ دئینین گهلێ كوردستانێ لبن چ گڤاشتن و رهوشاندا دهستا ژ ماف و ئازادى و دهستكهفتێن خۆ بهرنادهت.
مسعود بارزانی
11ی ئادارا 2023
