د پهیاما سهرۆكێ ههرێمێ دا هاتیه، ئهڤرۆ بیرهوهریا 53ى سالیا رێكهفتا 11ى ئادارا سالا 1970ى یه شوورهشا ئهیلوولێ ب سهركردایهتیا بارزانیێ نهمى، دگهل حكومهتا عیراقێ، بیرا خۆ دئینین. سلاڤ ل گیانێ ههمى شههیدێن كوردستانێ و وان قارهمانان یێن پشكدارى د شۆرهشا ئهیلوولێدا كرى.
نێچیرڤان بارزانی سهرۆكێ ههرێما كوردستانێ د پهیاما خودا راگههاند، رێكهفتنا 11ى ئادارێ، سهركهفتنهكا مهزنه لسهر رهوش و هاوكێشهیێن دژوار و ئالۆز یێن دهڤهرى و ناڤدهولهتى یێن وى دهمى، و برێكا وێ رێكهفتنێ گرنگترین بهلگهنامێن فهرمى وهك دانپیدان ب پشكهك ژ مافێن كوردستانێ و دوزا رهوایا وان گههانده جیهانێ. ههروهسا بوویه بنهمایێ سهرهكى یێ ههمى دهستكهفتێن رۆژێن بهێت یێن گهلێ كوردستانێ ههر ژ راپهرینێ تا دامهزراندنا پهرلهمانى و حكوومهتا فیدرال.
سهرۆكێ ههرێما كوردستانێ ئاماژه ب هندێ ژى كر، رێكهفتناما 11ى ئادارێ چارهسهریهكا نموونهیى بوو، كو شیا عیراقێ و گهلێ وێ ب تهمامى بهرهڤ چارهنڤیسهكێ گهشتر ببهت، و بكهته ئێك ژ وهلاتێن پێشكهفتى ل دهڤهرێ و جیهانێ. بهلێ پهشیمانبوونا دهستههلاتدارێن عیراقێ و ههلبژارتنا بكارئینانا هێزێ ل جهێ لۆژیكى، ژبلى شهرو ئالوزیێن پاشكهفتنێ و ب ههدهردانا سامان و زهنگینكرنا وهلاتى، چ بۆ عیراقێ نهئینا و تا نوكه عیراق یا باجا وێ خهلهتیێ ددهت.
ههروهسا د پشكهكا دى یا پهیاما نێچیرڤان بارزانیدا هاتیه” د ڤێ ههلكهفتێدا داخازێ ژ ههمى هێز و لایهنێن عیراق و كوردستانێ دكهم وانهیان ل وێ دیرووكێ وهرگرن و ئهم ههمى مفای ژ خهلهتیێن خۆ یین بوورى ببینین. زهنگینى و شیانێن ماددى و مرۆڤى یێن عیراقێ ژ بۆ پێشڤهبرنا وهلاتى و خوشكرنا ژیانا وهلاتیان ببینین، پێكڤه كاركهین مافێن ههمى پێكهاتێن عیراقێ و سیستهمێ فیدرالى و سهروهرى و ئارامیا وهلاتى بپارێزین. و ئهم ههمى ب ههڤدوو قهبیلكهین، لێبورین، پێكڤهژیان، ئێكرێزى پێكڤه ژبۆ ئاڤاكرنا وهلاتهكێ ئاڤهدان و خوش و بهێز ژبۆ رۆژێن بهێت كاربكهین”.
ل دوماهیێ سهرۆكێ ههرێما كوردستانێ راگههاند، سهربلندبیت ههلكهفتا ی11ى ئادارێ1970 سلاڤ ل گیانێ شههیدان.
