سەرۆك وەزیرێن عیراقێ باس ل رێككەڤتنا هەولێرێ و بەغدایێ دكەت

سەرۆکوەزیرێن عێراقێ راگەهاند، ل گەڵ هەرێما کوردستانێ ل دۆر یاسایا نەفت و گازێ گەهشتینە رێكەڤتنا دووماهییێ. ل دۆر پشكا هەرێما کوردستانێ د پرۆژە یاسایا بودجەیا گشتییا 2023ـێ ژی دبێژیت، 12.06%ـە و پێشتر ژی ل سەر وێ چەندێ رێككەڤتن هاتییە كرن

محەممەد شیاع سوودانی، سەرۆکوەزیرێن عێراقێ پشتی پەسەندکرنا پڕۆژەیاسایا بۆدجەیا سالێن 2023، 2024 و 2025، کۆنفرانسەکێ رۆژنامەڤانی سازکر و راگەهاند، ل گەڵ حکومەتا هەرێما کوردستانێ ل سەر هەمی ئاریشەیێن هەلاویستی یێن ناڤبەرا هەولێرێ و بەغدایێ گەهشتینە رێكەڤتنێ.

سەرۆکوەزیرێن عێراقێ ل دۆر قەبارەیێ بودجەیا 2023 گۆت، 197 ترلیۆن و 828 ملیار دینارە.