مه‌سرور بارزانى سه‌رۆكێ حكومه‌تا هه‌رێما كوردستانێ ل فرۆكخانه‌یا هه‌ولێرێ پێشوازى ل محه‌مه‌د شیاع سوودانى سه‌رۆكوه‌زیرێن عیراقێ و شاندێ دگه‌لدا كر، و به‌رى نوكه كۆمبوونا وان ده‌ستپێكر.
ل دووڤ زانیارییان دكۆمبوونا سه‌رۆكێ حكومه‌تا هه‌رێما كوردستانێ و سه‌رۆكوه‌زیرێن عیراقێدا، دێ باس ل چه‌ندین كه‌یسێن گرێداى بابه‌تێن هه‌لاویستى یێن دناڤبه‌را هه‌ولێرێ و به‌غدا دا و دووماهى پێشهاتێن دانوستاندنێن دناڤبه‌را هه‌ردوو حكومه‌تێن هه‌رێم و فیدرالیدا هێته‌كرن، ژ وان بابه‌تێ بودجه، قانوونا په‌ترۆل و غازێ و كه‌یسا ئاواره‌یان و چه‌ند بابه‌تێن دى هێته‌كرن.
