<h3 style="text-align: justify;"><span style="font-size: 18pt;">په‌یڤدارێ پۆلیسێن هه‌رێما كوردستانێ دبێژیت: دووهى خشته‌یێ كانوونا دووێ یا 2023ێ ده‌ركه‌ڤت و پله‌یا 537 ئه‌فسه‌رێن هێزێن ئاسایشا ناڤخۆ دێ هێته بلندكرن.</span></h3> <h3 style="text-align: justify;"><span style="font-size: 18pt;">كارزان ئه‌میر په‌یڤدارێ رێڤه‌به‌رییا گشتییا پۆلیسێن هه‌رێما كوردستانێ دیاركر، رۆژا 29ى ئادارێ خشته‌یێ پله‌بلندكرنا كانوونا دووێ یا 2023ێ ده‌ركه‌ڤت و فه‌رمانا بلندكرنا پله‌یا 537 ئه‌فسه‌ران هاتییه دان.</span></h3> <h3 style="text-align: justify;"><span style="font-size: 18pt;">په‌یڤدارێ رێڤه‌به‌رییا گشتییا پۆلیسێن هه‌رێما كوردستانێ ل دۆر مه‌رجێن بلندكرنا پله‌یێن ئه‌فسه‌ران راگه‌هاند، هه‌تا كو پله‌یا رائید پێدڤییه تاقیكرنێ بكه‌ن و بسه‌ركه‌ڤتییانه ژ وێ تاقیكرنێ ده‌ركه‌ڤن، و ئه‌وێن پله‌یێن وان موقه‌دم، عه‌قید و عه‌مید بن، پێدڤییه ڤه‌كۆلینه‌كا زانستى ل دۆر ئه‌وان پله‌یان به‌رهه‌ڤبكه‌ن، كو دێ تێدا ده‌ستبكاربن و ل وى ده‌مى دێ پله‌یێن وان هێنه بلندكرن.</span></h3> <h3 style="text-align: justify;"><span style="font-size: 18pt;">خشته‌یێ سالانه یێ بلندكرنا پله‌یێن ئه‌فسه‌رێن وه‌زاره‌تا ناڤخۆ ل دووڤ دوو خشته‌یانه ئه‌وژى ل هه‌یڤێن كانوونا دووێ و ته‌مموزێ نه، كارزان ئه‌میرى گوت: هه‌موو سالان پله‌یێن ئه‌فسه‌ران دهێنه بلندكرن و ناهێنه پاشخستن و ل سالا بوورى ژى پله‌یێن ئه‌فسه‌ران هاتینه بلندكرن.</span></h3>
