كوچكا سپی یا ئه‌مریكی د بەیانامەكێدا ڕاگەهاند، جۆبایدین، سەرۆكێ ئەمریكا هێرو مستەفا یا 50 سالی كو وەلاتییەكا ئەمریكییە و د بنیاتدا كوردە وەك بالیۆزا ئەمریكا ل مسرێ دەستنیشانكر.
هێرو مستەفا دگەل خێزانا خۆ ل سالا 1976ێ ژهه‌ولێرێ كۆچبەری ئەمریكا بووینە، ل وێرێ خواندنا خۆ یا بەكالوریۆسێ ل زانكۆیا جورج تاون و ماستەر ل زانكۆیا برینستون وەرگرتییە و دشێت ب هەشت زمانان ب ئاخڤیت.
هێرویێ د ژیانا خۆ دا چەندین كارێن هەستیار و گرنگ دئیداره‌یێن ئه‌مریكا دا ئەنجامداینە، ژ وان بالیۆزا ئەمریكا بوو ل بولگاریا و جێگرا بالیۆزا ئەمریكا بوو ل پۆتۆگال و راوێژكاربوو ل بالیۆزا ئەمریكی ل نیوده‌لهی، هەروەسا چەندین پوست وه‌رگرتینە ل ئوفیسا جێگرێ ئەمریكا وەك راوێژكارا كارۆبارێن رۆژهەلاتا ناڤین و بەرپرسا بادەكا ئیرانێ و بەرپرسا كارۆبارێن ئیسرائیل و فەلەستینێ و هەروەسا ب كارێ هەماهەنگییا كارۆبارێن مەدەنی یێن ئەمریكی ل مویسل و ل قونسلخانا بەیروت رابوویه.
دهێتە زانین كو هێرو خانێ هه‌ڤژینی دگه‌ل كەسەكێ ئەمریكی یێ بنیات هندی پێكئینایە ب ناڤێ راڤینیش جارج و دوو كچ هەنە.
