نه‌هرۆ رواندزى: پۆستێ جێگرێ سه‌رۆكێ كۆمپانییا سۆمۆ دێ ب حكومه‌تا هه‌رێمێ هێته‌ دان

جێگرێ سه‌رۆكێ لژنه‌یا په‌ترۆل و گازێ ل په‌رله‌مانێ عیراقێ راگه‌هاند، حكومه‌تا عیراقێ ره‌زامه‌ندى نیشاندا پۆستێ جێگرێ كۆمپانییا سۆمۆ بده‌ته‌ حكومه‌تا هه‌رێما كوردستانێ.

نه‌هرۆ رواندزى جێگرێ سه‌رۆكێ لژنه‌یا په‌ترۆل و گازێ ل په‌رله‌مانێ عیراقێ راگه‌هاند، وه‌زاره‌تا په‌ترۆلا عیراقێ ره‌زامه‌ندى نیشاندا كو پۆستێ جێگرێ سه‌رۆكێ كۆمپانیا سۆمۆ ب حكومه‌تا هه‌رێمێ بده‌ت، هه‌روه‌سا لژنه‌یه‌كا هه‌ڤپشك یا چار كه‌سى دێ هێته‌ پێكئینان، دوو ژ كۆمپانییا سۆمۆ و دوو كه‌سێن دیژى دێ ژلایێ هه‌رێما كوردستانێڤه‌ هێنه‌ دیاركرن بۆ پێداچوونێ د هه‌ڤپه‌ستنێن په‌ترۆلێ و شێوازێ بازاركرنا په‌ترۆلا هه‌رێمێدا.

گوت ژى : هژماره‌كا بانكییا نوو دی بۆ داهاتێ په‌ترۆلا هه‌رێما كوردستانێ ل ژێر ده‌ستهه‌لاتا حكومه‌تا هه‌رێمێ و چاڤدێرییا حكومه‌تا عیراقێ هێته‌ ڤه‌كرن، دگه‌ل ده‌ستپێكرنا هنارده‌كرنا په‌ترۆلێ بهایێ په‌ترۆلا هه‌رێمێ دێ ب بهایێ سۆمۆ و جیهانێ هێته‌ فرۆتن، ئه‌ڤ رێككه‌ڤتنه‌ دێ هه‌تا په‌سه‌ندكرنا پرۆژه‌ قانوونا بودجه‌ى یا به‌رده‌وام بیت، پاشان دێ ره‌شنڤیسا قانوونا په‌ترۆل و گازێ ل سه‌ر هێته‌ نڤێسین.