<h3 style="text-align: justify;"><span style="font-size: 18pt;">بزاڤێن كابینهیا نههێ یا حكومهتا ههرێما كوردستانێ بۆ ئێكخستنا هێزێن پێشمهرگهى ژچارچووڤێ چاكسازییێ ب مهرهما ب نیشتیمانیكرنا هێزێن پێشمهرگهى دبهردهوامن، لژنهیهك ژ رێڤهبهرییا گشتییا تاك و خۆبهخشان ل وهزارهتا كاروبارێن پێشمهرگهى بۆ چاڤپێكهڤتن و پشكنینێن نوشدارى و درووستكرنا كهیسا كهسى و پۆلینكرن و جووداكرنێ بۆ بجهئینانا وى كارى پێكهاتییه ، كو ئێكه ژ كارێن پێشینهیا حكومهتێ.</span></h3> <h3 style="text-align: justify;"><span style="font-size: 18pt;">ل دووڤ بریارا كۆمبوونا جڤاتا بهرهڤانییا وهزارهتا كاروبارێن پێشمهرگهى، كۆمهكا رێنما و مهرجێن تایبهت ب ڤى بابهتى هاتینه دانان كو پێدڤییه بهرچاڤ بهێنه وهرگرتن، ئێك ژ وان مهرجان ژى تهمهنه كو ل دووڤ قانوونا سهربازى دڤێت تهمهن یێ گونجاى بیت، ههروهسا پلهدارێن ل دووڤ قانوونا 38 یا سا 2007ێ بهێنه جووداكرن.</span></h3> <h3 style="text-align: justify;"><span style="font-size: 18pt;">رێكارێن سهربازى یێن ههر ئێك ژ لیوایێن (17، 18، 19، 21، 22 ) یێن یهكهیێن 70 و 80، تمامبووینه و بۆ سهر میلاكێ وهزارهتێ هاتینه ڤهگوهاستن.</span></h3> <h3 style="text-align: justify;"><span style="font-size: 18pt;">ههروهسا لیوایا ( 20 ) چاڤهرێى حكومهتا فیدرالییه بۆدهستبكاربوونێ، كو ئهو لیوایهژى وهكو لیوایێن ههڤپشك بهێته جووداكرن.</span></h3> <h3 style="text-align: justify;"><span style="font-size: 18pt;">ئهڤه ژبلى هندێ كو ههر ئێك ژ لیوایێن ( 23، 24، 26 و 28 ) یێن پیاده یێن هێزێن پێشمهرگهى، ههموو رێكارێن سهربازى بۆ ڤهگوهاستنێ ل سهر میلاكێ وهزارهتێ تمام بووینه و ب بریارهكا تایبهت هاتینه بلندكرن و لیوایا 27ێ ژى 70% كارێن وێ تمام بووینه.</span></h3> <h3 style="text-align: justify;"><span style="font-size: 18pt;">ههر دكابینهیا نههێ یا حكومهتا ههرێما كوردستانێدا، 10 قوتابى ژ كۆلیژا فرۆكهڤانییا بهغدا بۆ خۆلا 80ێ یا هێزێن ئاسمانییێن عیراقێ هاتینه دهستنیشانكرن.</span></h3>
