مامۆستایەکێ زانکۆیێ: نەفتا ھەرێمێ چارچۆڤەکێ نێڤدەولەتی وەرگرت

ئاژانسا خانی ” تایبەت:

بسپۆرەکێ قانوونی ئاشکرا کر، نەفتا ھەرێما کوردستانێ چار چۆڤەکێ قانوونییێ نێڤدەولەتی وەرگرت و ئێدی رێکخراوا ئۆپێک دێ نەفتا ھەرێما کوردستانێ ژی وەرگریت” ھەروەسا دبێژیت: ئه‌و رێکكەفتنا ھاتییە کرن دەستکەفتەکێ مەزنە بۆ ھەرێما کوردستانێ.

سانع شەریف، مامۆستایێ زانکۆیێ بۆ ئاژانسا خانی دیارکر” ل چەند سالێن بوری ھەرێما کوردستانێ دخواست چارچۆڤەکێ قانوونی و  شەرعییەتێ ب فرۆتا نەفتێ بدەت، نوکە ھەرێم و بەغدا پێکڤە بادەکا نەفتێ بڕێڤە دبەن و چارچۆڤەکێ نێڤدەولەتی ژی وەرگرت، حوکمەتا ھەرێما کوردستانێ پشتی سێ سالێن دی شییان ھەنە خواستێن زێدەتر ھەبن ل عێراقێ، چونکی بودجە بۆ سێ سالان ھاتییە بەرھەڤکرن و نەفتا ھەرێمێ دێ بیتە پشکەک ل پرکرنا نەفتا رێکخراوا ئۆپێک بۆ عێراقێ و ئه‌و رێکكەفتنا ھاتییە کرن دەستکەفتەکێ مەزنە بۆ ھەرێما کوردستانێ.

ناڤهاتی گۆت ژی” رێکكەفتن دناڤبەرا دو لایەنان دا ھاتییە کرن و شێوازێ رێکكەفتنێ وەسا بوویه‌ ھەردو ئالییان مەرج ھەبووینە ھەمبەری ئێک، واتە حوکمەتا فیدڕالی ب تنێ نەشیایە مەرجێن خوە لسەر ھەرێما کوردستانێ بسەپینیت بەرۆڤاژی رێكکەفتن ھاتییە کرن و ھەرێمێ ژی مەرجێن خوە ھەنە ئەڤە ژی نیشانا ب ھێزییا ھەرێما کوردستانێ یە، ئه‌و رێکكەفتنا ھاتییە کرن د چارچۆڤێ ده‌ستوورێ عێراقێ دا بوویە” لدووڤ مادێن ١١١ و ١١٢ یێن ده‌ستووری پێکڤە کار لسەر کەرتێ نەفتێ دکەن.