سزایێ سێداره‌دانێ و زیندانكرنا هه‌تاهه‌تایێ بۆ نه‌هـ تومه‌تباران ده‌ركه‌ڤت

دادگه‌ها عیراقێ سزایێ سێداره‌دان و زیندانكرنا هه‌تاهه‌تایێ بۆ نه‌هـ تومه‌تباران ب مادده‌یێ تیرۆرێ ده‌ركر، دوو ژ وان تاوانباران به‌نگلادشینه‌.

دادگه‌ها تاوانان ل پارێزگه‌ها زیقار راگه‌هاند، سزایێ سێداره‌دان و زیندانكرنا هه‌تاهه‌تایێ بۆ نه‌هـ تاوانباران ب مادده‌یێ تیرۆرێ و تاوانێن مه‌زن هاته‌ ده‌ركرن.

ژێده‌ره‌كێ ئێمناهییا پارێزگه‌ها زیقار راگه‌هاند، د وێ بریارا دادگه‌هێدا ل دووڤ مادده‌یێ چار یێ تیرۆرێ سزایێ سێداره‌دانێ بۆ حه‌فت كه‌سان ب تومه‌تا كریارێن تیرۆرستى ده‌ركه‌ڤت، هه‌ڤده‌م ب تومه‌تا كوشتنا ئێك ژ هه‌ڤالێن خوه‌ ل سالا بوورى ل باژێرێ ناسرییه‌، سزایێ زیندانكرنێ ب سه‌ر دوو تاوانبارێن به‌نگه‌لادشیدا هاته‌ سه‌پاندن.