<h3 style="text-align: justify;"><span style="font-size: 18pt;">رێڤهبهرێ گشتییێ كۆمپانییا بازرگانییا دهخل و دانێ عیراقێ پشتراستییێ د دهته جووتیارێن ههرێما كوردستانێ و دبێژیت: پشتى رادهستكرنا گهنمى ب 24 دهمژمێران دێ پارهیێ خوه وهرگرن.</span></h3> <h3 style="text-align: justify;"><span style="font-size: 18pt;">حهیدهر نوورى گهرعاوى رێڤهبهرێ گشتییێ كۆمپانییا بازرگانییا دهخل و دانێ عیراقێ دیاركر، ئهوان ژ 10ى نیسانێ وهره دهست ب وهرگرتنا گهنمێ جووتیارێن بهسره، میسان، سهماوه و ناسرییه كرییه و ل چهند رۆژێن بهێن دێ گهنمێ جووتیارێن نهجهف، كهربهلا و واست ههتا دگههیته بهغدا وهرگرن.</span></h3> <h3 style="text-align: justify;"><span style="font-size: 18pt;">رێڤهبهرێ گشتییێ كۆمپانییا دهخل و دانێ عیراقێ ئاشكرا ژى كر، پشتى 20 رۆژێن دى دێ دهست ب وهرگرتنا گهنمێ جووتیارێن سهلاحهدین و پارێزگههێن دى یێن باكوورى كهن، و ل ناڤهراستا گۆلانێ و دهستپێكا خزیرانێ دێ دهست ب وهرگرتنا گهنمێ جووتیارێن ههرێما كوردستان و نهینهوا هێتهكرن.</span></h3> <h3 style="text-align: justify;"><span style="font-size: 18pt;">گهرعاوى دیاركر، پشتى بوورینا 24 دهمژمێرا ب سهر وهرگرتنا گهنمى، پارهیێ جووتیارێن بهسره، میسان، سهماوه و ناسرییه ب رێكا چهكێ بانكى ب جووتیاران هاتییه دان و گوت ژى: جووتیارێن ههرێما كوردستانێ چ جووداهى دگهل جووتیارێن پارێزگههێن ناڤهراست و باشوورێ عیراقێ نینه، و ئهوژى پشتى رادهستكرنا گهنمى ب 24 دهمژمێران دێ پارهی وهرگرن.</span></h3>
