رێڤه‌به‌رێ رێڤه‌به‌رییا رێكخستنا پلێتێن ئاهێن خوارنێ راگه‌هاند، ل رۆژا سێشه‌مبییا بهێت 16ى گۆلانا 2023ێ دێ ده‌ست ب نووكرن و كاراكرنا پلێتێن ئاهێن خوارنێ هێته‌كرن.
حسێن سه‌برى رێڤه‌به‌رێ رێڤه‌به‌رییا رێكخستنا ئاهێن خوارنێ بۆ ئاژانسا خانى دیاركر، ل رۆژا سێشه‌مبییا بهێت 16ى گۆلانا 2023ێ دێ ده‌ست ب نووكرن و كاراكرنا پلێتێن ئاهێن خوارنێ هێته‌كرن، ده‌واما بنگه‌هێن كاراكرنا پلێتان دێ ل ده‌مژمێر هه‌شتى سپێدێ ده‌ستپێكه‌ت و دووى نیڤرۆ ب دووماهى هێت، ل هه‌ر بنگه‌هه‌كى دێ 10 فه‌رمانبه‌رێن رێڤه‌به‌رییا وان ده‌وامێ كه‌ن.
زێده‌تر حسێن سه‌برى گوت: ئه‌ڤ پرۆسه‌یه دێ ل ژێر چاڤدێرییا كارگێرییا پارێزگه‌ها دهۆكێ هێته ب رێڤه‌برن، هه‌ماهه‌نگى دناڤبه‌را رێڤه‌به‌رییا وان و وه‌زاره‌تا بازرگانییا هه‌رێمێ و وه‌زاره‌تا ناڤخۆ و پارێزگه‌هـ و قائیممقامییا دهۆكێدا هاتییه كرن.
هه‌روه‌سا دیاركر، ل دهۆكێ نێزیكى 82 هزار سه‌رۆك خێزانان هه‌نه، ل قووناغا ئێكێ ئه‌وان ل سه‌نته‌رێ دهۆكێ ده‌ست ب پرۆسه‌یێ كر، ژبه‌ركو وان دڤیا ده‌ستپێكێ ل وان جهان كاربكه‌ن یێن ژماره‌كا مه‌زن یا خه‌لكى لێ، و د قووناغا دووێدا دێ به‌ره‌ڤ قه‌زا و ناحی و گوندان ڤه چوون، و ل هه‌ر حه‌فتییه‌كێ دێ چنه دوو قه‌زایان.
بنگه‌هێن كاراكرنا پلێتێن ئاهێن خوارنێ :
بنگەهێ 231
ـ قوتابخانا بلند یا بنەرەت
ـ قوتابخانا بەدلیسی
ـ قوتابخانا لەپ زێر ( نزارکێ )
بنگەهێ 232
ـ ئامادەیا جەگەرخوین یا کچان
ـ قوتابخانا سییەنا یا بنەرەت
ـ قوتابخانا سەروک یا بنەرەت
بنگەهێ 233
ـ ئامادەیا شالین یا کچان
ـ قوتابخانا خەبات
ـ قوتابخانا ڤەژین یا بنەرەت
بنگەهێ 234
ـ ئامادەیا دهۆک یا کچان
ـ قوتابخانا زڤرین یا بنەرەت
