<h3 style="text-align: justify;"><span style="font-size: 18pt;">وه‌زاره‌تا په‌ترۆلا عیراقێ دبێژیت: هه‌ڤبه‌ستا وان دگه‌ل كۆمپانییا تۆتال یا فره‌نسى بۆ وه‌به‌رهێنانێ ل پێنج كێلگه‌هێن په‌ترۆلا پارێزگه‌ها به‌سره، رۆژانه 600 ملیۆن پێیێن سێجا یێن گازێ دابین دكه‌ت.</span></h3> <h3 style="text-align: justify;"><span style="font-size: 18pt;">عاسم جیهاد، په‌یڤدارێ وه‌زاره‌تا په‌ترۆلا عیراقێ راگه‌هاند، رێككه‌ڤتنا دگه‌ل كۆمپانییا تۆتال یا فره‌نسى چه‌ندید هه‌ڤبه‌ستان ب خۆڤه‌دگریت كو تایبه‌تن ب گازێ و وه‌به‌رهێنانێ ل پێنج كێلگه‌هێن په‌ترۆلا پارێزگه‌ها به‌سره، رۆژانه 600 ملیۆن پێیێن سێ جا یێن گازێ ب دوو قووناغان به‌رهه‌م د ئینیت، هه‌ر قووناغه‌ك رۆژانه 300 ملیۆن پێیێن سێجایه.</span></h3> <h3 style="text-align: justify;"><span style="font-size: 18pt;">ل دووڤ رێككه‌ڤتنا دناڤبه‌را حكومه‌تا عیراقێ و كۆمپانییا تۆتالدا، كۆمپانییا په‌ترۆلا به‌سره دێ ب رێژه‌یا 30%ێ هه‌ڤپشكا قازانجێن پرۆژه‌ى بیت، كو وه‌به‌رهێنانێ ل پێنج كێلگه‌هێن په‌ترۆلێ دكه‌ت، ئه‌وژى كێلگه‌هێن، رۆژئاڤا قورنه 2، مه‌جنوون، ئه‌رتاوى، لوحه‌یس و توبه‌نه.</span></h3> <h3 style="text-align: justify;"><span style="font-size: 18pt;">په‌یڤدارێ وه‌زاره‌تا په‌ترۆلا عیراقێ دیاركر، ئێك ژ مفایێن ئه‌وێ رێككه‌ڤتنێ ئه‌وه، سووتنا گازێ دێ هێته راگرتن، و گازا سووتى دێ بۆ گازه‌كا ب مفا هێته گوهۆرین، ئه‌وژى بۆ خزمه‌تگوزارییا وێستگه‌هێن كاره‌بێ و هه‌موو پیشه‌سازییێن گرێداى گازێ نه.</span></h3> <h3 style="text-align: justify;"><span style="font-size: 18pt;">عاسم جیهاد دبێژیت: كۆمپانییا گازا به‌سره وه‌به‌رهێنانێ ل هژماره‌كا كێلگه‌هان دكه‌ت، پلان هه‌یه رۆژانه به‌رهه‌مئینانا گازێ بگه‌هینته 200 ملیۆن پێیێن سێجا، كۆمپانى گه‌هشته نێزیكى 50%ێ یا پلانا خوه، كو رۆژانه 900 هزار بۆ ئێك ملیۆن پێیێن سێجانه، ل دووماهییا ڤێ هه‌یڤێ وێستگه‌هه‌یه‌كا وزێ دێ هێته ڤه‌كرن، وه‌ك قووناغا ئێكێ دێ رۆژانه 200 ملیۆن پێیێن سێجا دابین دكه‌ت و ل قووناغا دووێ 200 ملیۆن پێیێن سێجا دابین دكه‌ت.</span></h3>
