<h3 style="text-align: justify;"><span style="font-size: 18pt;">بسپۆره‌كێ خه‌وێ ل ئه‌مریكا دبێژیت : بۆ باشتربوونا كوالیتییا خه‌وێ، پێدڤییه ده‌رگه‌هێ ژوورا نڤستنێ یێ ڤه‌كرى بیت.</span></h3> <h3 style="text-align: justify;"><span style="font-size: 18pt;">رێكس ئیزاب بسپۆرێ خه‌وێ و رێڤه‌به‌رێ كۆمپانییا بێته‌ر سلیپ دبێژیت : ژبه‌ر گه‌رمبوونا سه‌قایى، باشتره ژوورا نڤستنێ سار بمینیت و هه‌وا گوهۆرین تێدا هه‌بیت، پێشنیاز دكه‌ت ژى ده‌رگه‌هێ ژوورێ ڤه‌كرى بمینیت.</span></h3> <h3 style="text-align: justify;"><span style="font-size: 18pt;">ل دووڤ راپرسییه‌كا ڤه‌كۆلینا سلامه‌تییێ ل ئه‌مریكا، 60%ێ یا ئه‌مریكییان ل ده‌مێ نڤستنێ ده‌رگه‌هێ ژوورا خوه دگرن و 40%ێ ژى ده‌رگه‌هى ڤه‌كرى دهێلن، بسپۆرێ خه‌وێ ئاشكراكر، ڤه‌كرنا ده‌رگه‌هێ ژوورا نڤستنێ پله‌یێن گه‌رمێ دژوورێڤه ب ناڤنجى دهێلن و هه‌وایێ پیس ناهێلیت.</span></h3> <h3 style="text-align: justify;"><span style="font-size: 18pt;">نوشدار ناتالیا لۆپێز، بسپۆرا نه‌خۆشییێن هناڤان ل بریتانیا ل دۆر ڤێ چه‌ندێ دبێژیت: پله‌یێن گه‌رمێ یێن ژوورا نڤستنێ پێدڤییه دناڤبه‌را 20 بۆ 25 پله‌یێن سیلیزیدا بن، ژبه‌ركو ل ده‌مێ نڤستنێ، خۆهدانێ ب تایبه‌تى ل ده‌ڤ وان كه‌سێن كێشا وان گه‌له‌ك و ژنێن دسه‌ر 40 سالییێدا كێم دكه‌ت.</span></h3> <h3 style="text-align: justify;"><span style="font-size: 18pt;">نوشدار ناتالیا دیار ژى كر، پێدڤییه د ژوورا نڤستنێدا بۆ نووكرنا ئه‌وێ ئوكسجینا د ژوورێڤه هه‌ى هه‌وا گوهۆرین هه‌بیت.</span></h3> <h3 style="text-align: justify;"><span style="font-size: 18pt;">ناڤه‌ندا خزمه‌تگوزارییا ساخله‌مییا بریتانیا NHS رادگه‌هینیت، خۆهدان ئه‌گه‌ره‌كه بۆ نه‌رێكییا قووناغێن خه‌وا كوور و كێمكرنا كوالیتییا خه‌وێ.</span></h3>
