د. وه‌عدی مزوری: بریارا دادگه‌ها فیدرالی كارتێكرن ل سه‌ر كارێ حكومه‌تا هه‌رێما كوردستانێ نابیت

ئاژانسا خانی:

د. وه‌عدی مزوری” شیره‌تكارێ قانوونی یێ په‌رله‌مانی كودرستانێ” بۆ ئاژانسا خانی دیار كر: بریارا دادگه‌ها فیدرالییا عیراقێ” ل دۆر درێژكرنا ژییێ په‌رله‌مانێ كوردستانێ ژ لایێ قانوونی و ده‌ستووری ڤه‌” هند كارتێكرنه‌كا مه‌زن ل سه‌رهه‌رێما كوردستانێ نابیت” به‌لێ كارتێكرنا وێ بریارێ ل سه‌ر هندێیه‌” كو هه‌ر ژ رۆژا 6/11/2022 ێ” وێڤه‌” هه‌موو ئه‌و بریارێن ژ په‌رله‌مانێ كوردستانێ ده‌ركه‌فتین دێ ب نه ‌ده‌ستووری هێنه‌ دیار كرن” ژ لایێ دادگه‌ها فیدرالییا عیراقێ” كارتێكرنا وێ بریارێ دێ ل سه‌ر لایه‌نێن سییاسی یا كێم بیت” چونكی حكومه‌تا هه‌رێمێ كارێ خۆ یێ كری و بریارا دادگه‌ها فیدرالی ژی به‌حسێ حكومه‌تا هه‌رێمێ نه‌ كرییه‌.

ناڤهاتی گۆت ژی: هه‌موو ئه‌و كارێن حكومه‌تا هه‌رێمێ كرین و دیسان ئه‌و رێككه‌فتنێن حكومه‌تا هه‌رێمێ ل گه‌ل به‌غدا ژی كرین دێ د قانوونی و ده‌ستووری بن و چ ئاریشه‌ ژێ په‌یدا نابن” ئه‌ڤ چه‌نده‌ ته‌كه‌زییه‌ لدووڤ بریارا دادگه‌ها فیدرالی ب خۆ” یاكو سالا 2022 ێ ده‌ركری و دیاركرییه‌ كانێ حكومه‌تا كاربرێكه‌ر چییه‌” كو نوكه‌ حكومه‌تا مه‌ دێ بیته‌ حكومه‌تا كاربرێكه‌ر و دیسان ئه‌و رێككه‌فتنێن هاتینه‌ كرن ده‌رباره‌یی نه‌فت و غازێ بوویه‌ و بۆ په‌یداكرنا بودجێ یا پێدڤی بوویه‌” ژ بۆ خه‌لكێ هه‌رێما كوردستانێ” د ڤی حاله‌تی دا حكومه‌تا كاربرێكه‌ر هه‌موو ئه‌و‌ ده‌ستهه‌لاته‌ یێن هه‌ین” كو وان كاران بكه‌ت” له‌وما ڤێ بریارێ كارتێكرن ل سه‌ر كارێ حكومه‌تا هه‌رێمێ نابیت” ب تنێ دێ كارتێكرن ل سه‌ر ئه‌نجامدانا هه‌لبژارتنان هه‌بیت” له‌وما ئه‌نجامدانا هه‌لبژارتنان لدووڤ بریارا سه‌رۆكێ هه‌رێما كوردستانێ” دڤێت هه‌لبژارتنێن په‌رله‌مانێ كوردستانێ ل 18/11/2023 ێ بهینه‌ كرن” له‌وما ژ لایێ ته‌كنیكی و لۆجستیڤه‌ دێ پیچه‌كێ یا ب زه‌حمه‌ت بیت” چونكی لدووڤ بریارا دادگه‌ها فیدرالی كۆمسیۆنا بلندا هه‌لبژارتنێن هه‌رێما كوردستانێ ژی نه‌یا ده‌ستوورییه‌” له‌وما نه‌شێت هه‌لبژارتنان ئه‌نجام بده‌ت” د هه‌مان ده‌مدا كۆمسیۆنا عێراقێ ژی ئاریشه‌ك هه‌یه‌” كو ئه‌و ژی ئه‌نجامدانا دو هه‌لبژارتنان‌ د ئێك ده‌مدا” دێ كاره‌كێ ب زه‌حمه‌ت بیت بۆ وان ژی” ئه‌و ژێ هه‌لبژارتنێن جڤاتێن پارێزگه‌هان ل عیراقێ و هه‌لبژارتنێن هه‌رێما كوردستانێ” ل گه‌ل هندێ ژی 7/1/2024 ێ” ژ لایێ قانوونیڤه‌ دێ كۆمسیۆنا بلندا هه‌لبژارتنێن عیراقێ ژی ژ كاركه‌ڤیت” له‌وما لدووڤ قانوونا ژماره‌ ئێك یا سالا 2005 ێ” ژ قانوونا سه‌رۆكاتییا هه‌رێما كوردستانێ” ئه‌و ده‌ستهه‌لاتا خۆ ب كار بینیت لدووڤ مادێ 10 ژ وێ قانوونێ” كو بریاره‌كێ ده‌ربكه‌ت لدۆر كاراكرنا كۆمسیۆنا هه‌لبژارتنێن هه‌رێما كوردستانێ.

د. وه‌عـدی هێشتا دبێژیت: لدووڤ بریارا دادگه‌ها فیدرالی یا سالا 2022 ێ” د دو حاله‌تان دا حكومه‌ت دبیته‌ حكومه‌تا كاربرێكه‌ر” ئێك ل ده‌مێ وه‌رگرتنا باوه‌رییێ ژ سه‌رۆكێ حكومه‌تێ” دو هه‌كه‌ په‌رله‌مان نه‌مینیت” نوكه‌ هه‌رێما كوردستانی په‌رله‌مان نه‌مایه‌ و حكومه‌ت دێ بیته‌ كاربرێكه‌ر” به‌لێ وه‌كو هه‌رێما كوردستانێ مه‌ چ ئاریشه‌ نابن” چونكی حكومه‌ت یا كارێ رۆژانه‌ برێڤه‌ دبه‌ت و خزمه‌تگۆزارییان پێشكێشی خه‌لكی دكه‌ت و مه‌ چ ئاریشێن ده‌ستووری ل هه‌رێمێ نابن.