د. خه‌لیل غازی: ئەگەر لایەنێن سیاسی گەهشتنە ڕێککەڤتنێ ل حه‌فتییا بهێت دێ دەنگ ل سەر ماددێ 14 ێ یێ بودجەیا عیراقێ هێته‌دان

د. خه‌لیل غازی، ئه‌ندامێ لژنا دارایی ل جڤاتا نوونەرێن عیراقێ عیراقێ بۆ ئاژانسا خانی گۆت:”دانوستاندنێن لایەنێن سیاسی ل سەر بودجەیا گشتی یا عیراقێ د بەردەوامن و ئەگەر لایەنێن سیاسی گەهشتنە ڕێککەڤتنێ ل حه‌فتیا بهێت‌ دێ ده‌نگ ل سه‌ر ماددێ 14 ێ یێ پرۆژه‌ یاسایا بودجه‌یا گشتی یێ عیراقێ بۆ په‌سه‌ند كرن هێته‌ دان.”

ئه‌ندامێ لژنا دارایی:”مه‌ بزاڤێن جددی كرینه‌ کو پشكا هه‌رێما كوردستانێ ژ بودجه‌یا عیراقێ وه‌كو خوۆ بهێته‌ په‌سه‌ند كرن، ژ بۆ کو چ زیان بەر خه‌لكێ هه‌رێما كوردستانێ نە کەڤیت.

دیارکر ژی، گۆهڕین د هندەک بڕگە و ماددەیێن پڕۆژە یاسایا بودجەیدا هاتینە کرن لێ ژبەر دانوستاندنێن دناڤبەرا لایەنێن سیاسیدا بۆ گەهشتنا ڕێککەڤتنا دوماهییێ تا نوکە دەمێ ڕوونشتنا جڤاتا نوونەران بۆ دەنگدان ل سەر پەسەندکرنا پڕۆژە یاسایا بودجێ یێ دیار نینە.