مه‌حما خه‌لیل: عێراقێ چ پێنگاڤ بۆ بجهئینانا رێککەفتنا شنگالێ نه‌هاڤێتینه‌

ئاژانسا خانی:

ئێک ژ مەرجێن بەرنامێ حکومەتا نوو یا عێراقێ ل گه‌ل نەتەوێن ئێکگرتی ئه‌و بوو، كو ئاوار ڤه‌گه‌رنه‌ڤه‌ شنگالێ، هه‌روه‌سا بجهئینانا رێککەفتنا شنگالێ ژی مه‌رجه‌كێ سه‌ره‌كی بوویه‌، كو به‌ری پێکئینانا کابینا حكومه‌تا عیراقێ دانوستاندن ل سه‌ر هاتییه‌ کرن، له‌وما بحهئینانا رێککەفتنا شنگالێ، دا ئاریشا ئاواران ب ره‌نگه‌كێ گشتی هێته‌ چارەسەر كرن، ژ لایێ ئیداری و خزمەتگوزاری، ئەمنی ڤه‌.

مه‌حما خه‌لیل” ئه‌ندامێ جڤاتا نوونه‌رێن عیراقێ” بۆ ئاژانسا خانی دیار كر:  حکومەتا عیراقێ یا به‌ری نوكه‌ و هه‌روه‌سا حكومه‌تا محەمەد شیاع سوودانی ژی چ پێنگاڤ بۆ بجهئینانا رێککەفتنا شنگالێ نه‌هاڤێتینه‌ و كارێ وان هه‌ردویان بەرامبەر ئاوارە و کۆچبەران یێ لاوازە” نوكه‌ هێزێن بیانی و نه‌فەرمی ل شنگالێ هەنه‌، پێدڤییە سەرۆک وەزیرێن عێراق ڤێ ئاریشێ لدووڤ رێککەفتنا شنگالێ چارەسەر بکه‌ت.

ناڤهاتی گۆت ژی: نه‌ته‌وێن ئێكگرتی شكه‌ستن ئینایه‌ و نه‌شییایه‌ باوه‌رییێ بۆ حكومه‌تا عیراقێ چێكه‌ت كو ئاواره‌ ڤه‌گه‌رنه‌ڤه‌ سه‌ر جهێن خۆ ل شنگالێ” هه‌روه‌سا حه‌شدا شه‌عبی بوویه‌ رێگر” كو ئه‌و رێكه‌فتنه‌ نه‌هێته‌ بجهئینان و دیسان حكومه‌تا عیراقێ ژی نه‌شییایه‌ هێزێن په‌كه‌كێ چ شنگالێ ده‌ربێخیت و وان نه‌ڤییایه‌ ئاوارێن شنگالێ ئه‌ڤێن د كه‌مپان دا دژین ڤه‌گه‌رنه‌ڤه‌ سه‌ر جهـ و وارێن خۆ.