شانده‌كێ توركیا بۆ ده‌ستپێكرنا هنارده‌كرنا نه‌فتا كوردستانێ دێ هێته‌ عیراقێ

بۆ ده‌مێ 73 رۆژایه‌ ب بریارا دادگه‌ها پاریسێ هنارده‌كرنا نه‌فتا كوردستانێ بۆ به‌نده‌رێ جه‌یهان یێ توركیا هاتییه‌ راگرتن.

حه‌یان عه‌بدولغه‌نى جێگری سه‌رۆكوه‌زیران و وه‌زیرێ نه‌فتا عیراقێ دیاركر، شانده‌كێ توركیا دێ بۆ گوتوبێژكرنێ ل سه‌ر ده‌ستپێكرنا هنارده‌كرنا نه‌فتا هه‌رێما كوردستانێ سه‌ره‌دانا عیراقێ كه‌ت.

حه‌یان عه‌بدولغه‌نى وه‌زیرێ نه‌فتا عیراقێ گوت: راگرتنا هنارده‌كرنا نه‌فتێ ل هه‌رێم و كه‌ركووكێ یا به‌رده‌وام نابیت، دانوستاندن دگه‌ل لایه‌نێن توركیا بۆ ده‌ستپێكرنا هنارده‌كرنێ هه‌نه‌، ب ئانه‌هییا خۆدێ دێ ل ڤان نێزیكان پێشوازییێ ل شانده‌كێ لایه‌نێ توركیا‌ كه‌ن بۆ ئێكلاكرنا ئه‌وى بابه‌تى.

وه‌زیرێ نه‌فتێ به‌حسا وان زیانان كر یێن ژ ئه‌گه‌رێ راگرتنا هنارده‌كرنا نه‌فتا هه‌رێما كوردستانێ ب عیراق و كۆمپانییان كه‌ڤتى و گوت: ئه‌و زیانێن ب كۆمپانییان كه‌ڤتى ب عراقێ گشتى كه‌ڤتینه‌، عیراقێ ژى رۆژانه‌ 500 هزار به‌رمیلێن نه‌فتێ زیان ڤێ كه‌ڤتییه‌.

ل دووڤ زانیارییان زیانێن 73 رۆژێن راگرتنا هنارده‌كرنا نه‌فتا كوردستانێ زێده‌تر ژ دوو ملیار دۆلارانه‌.