د کۆمبوونەکێدا پرسا بودجەیا گشتی یا عیراقێ گۆتوبێژکر و د ئەڤێ دەربارێدا سهرۆكێ ههرێما كوردستانێ دوپاتی ل سەر گرنگییا دەربازکرنا بودجێ کر ب ڕەنگەکی کو بەرژەوەندیا هەمی دەڤەر و پێکهاتەیێن عیراقێ و مافێن هەرێما کوردستانێ بهێنە بجهئینان و ببیتە جهێ ڤەژاندنا کار و ئابووری و پێشکێشکرنا خزمەتگوزارییان.
ژ لایەکێ دیڤە د کۆمبوونێدا هزر و بوچوون دەربارەی پرسا هەلبژارتنێن پەرلەمانی ل هەرێما کوردستانێ لێکگۆهارتن و پزاڤ و پێنگاڤێن سەرۆکایەتیا هەرێما کوردستانێ بۆ ئەنجامدانا هەلبژارتنان بەرچاڤکرن، د ئەڤێ دەربارێدا سەرۆک نێچیرڤان بارزانی دوپاتکر کو دێ هەمی ڕێکارێن پێدڤی بجهئینیت بۆ هندێ د دەمەکێ گونجایدا هەلبژارتن بهێنە کرن.
د کۆمبوونێدا كونسۆلا گشتی یا ئهمهريكا ل ههرێما كوردستانێ ئاماده ببوو، پەیوەندییێن ئهمهريكا دگهل عیراق و ههرێمى كوردستانێ، ڕۆڵ و كاريگهريىا لايهنێن سياسی د پرۆسهىا سياسی یا عیراقێدا و ڕەوشا دەڤەرێ ب گشتى گۆتوبێژ کرن.
