شارەزایەکێ سەقاناسی دایرکرن ل حەفتیا بهێت بارستەیا هەوایەکێ سار دێ ل ئۆرۆپا سەرهلدەت و بەرەڤ دەڤەرێن هەرێما کوردستانێ ڤە هێت و پێشبینی دهێتە کرن ل هندەک دەڤەران بارانەکا هویر بباریت.
ئاراس جه‌بار، شارەزایەکێ سەقاناسی دەربارەی دەنگویێ هاتنا پێلەکا بارن و سەرمایێ ڕاگەهاند، پێشبینی دهێتە کرن ل دەستپێکا حەفتیا بهێت دناڤبەرا 15 بۆ 18ی هەیڤا تیرمەهێ دا بارستەیا هەوایەکێ سار ل باکوورێ ڕۆژهەلاتێ ئۆرۆپا درێژ ببیت بۆ سەر دەڤەرێن باکوورێ کوردستانێ و تورکیا و باکوورێ ئیرانێ.
دیارکرژی:”پێشبینی دهێتە کرن ل ئەڤان دەڤەران ب ڕێژەیەکا بەرچاڤ پلەیێن گەرمێ داکەڤن دگەل دروستبوونا بارێ نە جێگیر یێ سەقای کو ل هندەک دەڤەران دێ بهیتە ئەگەرێ چالاکبوونا عەور و بریسیان و تاڤیێن بارانا بهێز.”
ئاراس جه‌بار ئاماژە کر:” ئەڤێ ڕەوشێ ب شێوەیەکێ لاواز دێ کارتێکرن ل سەر پشکەک ژ دەڤەرێن سنووری یێن هەرێما کوردستانێ هەبیت ب تایبەت ل دەڤەرێن چیایی یێن سنوورێ باکوورێ پارێزگەها دهۆکێ و باکوورێ ڕؤژهەلاتێ هەولێرێ و ئەگەر هەیە د ئەوی دەمی دا هندەک جاران عەور بگەهنە ئێک و بارانەکا هویر بباریت و پلەیێن گەرمێ ب رەنگەکێ کێم داکەڤن.”
