عیراقێ مۆله‌تا كۆمپانیا ئێریكسۆن یا سویدى سركر

ده‌سته‌یا راگه‌هاندن و په‌یوه‌ندییێن عیراقێ راگه‌هاند، مۆله‌تا كاركرنێ یا كۆمپانییا ئێریكسۆن یا سویدى كو دبوارێ په‌یوه‌ندییێن تێلیكۆمدا كاردكه‌ت، سركر، ئه‌ڤ پێنگاڤه‌ هات پشتى سویدى دووباره‌ مۆله‌ت ب په‌نابه‌ره‌كێ عیراقى داى، ل به‌رامبه‌ر بالیۆزخانه‌یا عیراقێ ل ستۆكهۆلمێ، بێرێزییێ ب قورئانا پیرۆز و ئالایێ عیراقێ بكه‌ت.

ده‌سته‌یا عیراقێ دراگه‌هاندنه‌كێدا دیاركر، عه‌لى موئه‌یه‌د سه‌رۆكێ ده‌سته‌یێ راگه‌هاندن و په‌یوه‌ندییان، مۆله‌تا كاركرنێ یا كۆمپانییا ئێریكسۆن یا سویدى بۆ په‌یوه‌ندییان دناڤا ئاخا عیراقێدا سركر، ئه‌ڤه‌ژى به‌رامبه‌ر رێكه‌دانا وه‌لاتێ سویدێ ب سۆتنا قورئانا پیرۆز و ئالایێ عیراقێ هات.