سێ بازرگانێن مادده‌یێن بێهۆشكه‌ر ل هه‌رێما كوردستانێ هاتنه‌ ده‌سته‌سه‌ركرن

تیمێن رێڤه‌به‌رییا نه‌هێلانا مادده‌یێن بێهۆشكه‌ر سێ بازرگانێن مادده‌یێن بێهۆشكه‌ر ده‌سته‌سه‌ركرن كو ل ده‌مێ ده‌سته‌سه‌ركرنا وان، زێده‌تر ژ نیڤ كیلۆیا ماده‌یێ بێهۆشكه‌ر ژ جۆرێن كریستال و ماریجوانا دگه‌لدا بوون.

رێڤه‌به‌رییا نه‌هێلانا ماده‌یێن بێهۆشكه‌ر ل هه‌رێما كوردستانێ د راگه‌هاندنه‌كێدا ده‌سته‌سه‌ركرنا سێ كه‌سان ب تومه‌تا بازرگانیكرنێ ب ماده‌یێن بێهۆشكه‌ر راگه‌هاند.

ل دووڤ راگه‌هاندنا رێڤه‌به‌رییا نه‌هێلانا ماده‌یێن بێهۆشكه‌ر، تومه‌تبار دووهى هاتبوونه‌ ده‌سته‌سه‌ركرن و نیڤ كیلۆیا مادده‌یێن بێهۆشكه‌ر ژ جۆرێن كریستال و ماریجوانا دگه‌لدا بوون، لێ د راگه‌هاندنێ ئاماژه‌ ب هندێ نه‌هاته‌ دان كا ئه‌و سێ كه‌سه‌ ل سنۆرێ كیژ پارێزگه‌ها هه‌رێما كوردستانێ هاتینه‌ ده‌سته‌سه‌ركرن.

رێڤه‌به‌رییا نه‌هێلانا مادده‌یێن بێهۆشكه‌ر ئه‌وژى ئاشكراكر، پرۆسه‌یا ده‌سته‌سه‌ركرنا ئه‌وان سێ تومه‌تباران پشتى وه‌رگرتنا بریارا دادوه‌رێ لێكۆلینێن ئاسایشێ بوو، په‌رێن لێكۆلینێ دگه‌ل هه‌رسێ تومه‌تباران هاتینه‌ ڤه‌كرن و دێ رووبروو قانوونێ هێنه‌كرن.