لسەر داخوازا پەرلەمانتارەکا کورد حکومەتا عیراقێ زێدەتری 12 ملیار دیناران بۆ نوژەنکرنا جاددەیێن شەلالات و ناوەران و شێخان هاتنە تەرخانکرن

پەرلەمانتارەکا کورد ل جڤاتا نوونەرێن عیراقێ: لسەر داخوازا من حکومەتا عیراقێ زێدەتری 12 ملیار دیناران بۆ نوژەنکرنا جاددەیێن شەلالات وق ناوەران و شێخان هاتنە تەرخانکرن و هەر ئەڤرۆ وەکو پڕۆژە کەفتە د وارێ بجهئینانێدا.

کاڤین شێخ سەعید، ئەنداما جڤاتا نوونەرێن عیراقێ بۆ ئاژانسا خانی گۆت:” ب هەفکاریا سیروان ڕۆژبەیانی، جێگرێ پارێزگارێ و ئەندازیار رەزوان ئەلشەهوانی، ڕێڤەبەرێ گشتی یێ ڕێک و پرا، پڕۆژەیەکێ دی ژ ئەوان پڕۆژەیێن من ب بزاڤێن خۆ یێن کەسی داخوازکری چوو د وارێ بجهئینانێدا.”

کاڤینێ دیارکر ژی، پڕۆژەیێ کو هاتیە داخوازکرن، نووژەنکرنا ڕێکێن دەڤەرێن شەلالات و ناوەران و شێخان ب درێژاهیا 33 کم بوون، ب خۆشحالیڤە هەر ئەڤرۆ بڕیار لسەر نووژەنکرنا ئەوان ڕێکان هاتە دان و کۆژمێ 12 ملیار و 520 ملیۆن دیناران بۆ هاتنە مەزاختن و دەمێ بۆ ب دوماهی ئینانا پڕۆژەی هاتیە دیارکرن(200) ڕۆژن.

گۆتژی:”هەژی گۆتنێ یە کو ل ڕێکەفتی 9 تەباخا 2022، مە داخوازا ئەڤی پڕۆژەی  ژ وەزارەتا ئاڤەدانکرن و ئاکنجیبوونێ کربوو و جهێ خۆشحالییێ یە ئەڤرۆ کەفتە د وارێ بجهئینانێدا.”

دەربارەی خزمەتکرنا دەڤەرێن کوردستانی یێن دەرڤەی ئیدارا هەرێما کوردستانێ کاڤینێ گۆت:” ل دووڤ ئاموژگاريێن جەنابێ سەروك بارزانی وسه ركردايەتيا پارتی ديموكراتی كوردستان ژ بۆ خزمەتكرنا نیشتيمانی وخه لكێ خۆ ئەز یا ئامادەمه هەمی دەرگەهان بقوتم، ب تايبەتی ل دەڤەرێن كوردستانی یێن دەرڤەی ئیدارا هەرێما کوردستانێ کو دکەڤنە ماددێ 140 یێ دەستووری.