سەرۆکێ هەرێما کوردستانێ ل ئەبوزەبی پشكداری ل به‌هییا شێخ سه‌عيد بن زايد کر و ب ناڤێ سه‌رۆك بارزانى و گه‌لێ كوردستانێ، به‌هی و سه‌ره‌خۆشى و هه‌ڤخه‌مى یێن خۆ ئاراسته‌یی سه‌رۆكێ ئيماراتێ و خێزان و گه‌لێ ئيماراتێ كر.
سه‌رۆكاتییا هه‌رێما كوردستانێ راگه‌هاند” ئه‌ڤرۆ نێچیرڤان بارزانى” نێچیرڤان بارزانی” ل ئه‌بوزه‌بى ل پایته‌ختێ ئیماراتێ پشكدارى د رێوره‌سمێن به‌هییا شێخ سه‌عید بن زاید ئالنه‌هیان برایێ سه‌رۆكێ ئیماراتێ شێخ محه‌مه‌د بن زاید ئالنه‌هیان دا كر.
سه‌رۆكێ هه‌رێما كوردستانێ ب ناڤێ سه‌رۆك بارزانى و ب ناڤێ خۆ و گه‌لێ كوردستانێ به‌هی و سه‌ره‌خۆشی و هه‌ڤخه‌مى یێن خۆ گه‌هاندنه سه‌رۆكێ ئیماراتێ و بنه‌مالا وان و گه‌لێ ئیماراتێ و هیڤى خواست خودێ گیانێ برایێ سه‌رۆكێ ئیماراتێ ب دلۆڤانیا خۆ شاد بكه‌ت.
شێخ محه‌مه‌د بن زاید ئالنه‌هیان سه‌رۆكێ ئیماراتێ سوپاسی یێن خۆ گه‌هاندنه سه‌رۆك نێچیرڤان بارزانى ژ به‌ر سه‌ره‌دانا وى و پشكداریا وى د به‌هییا وان دا.
