وه‌زاره‌تا ده‌رڤه یا ئه‌مریكا ل سالرۆژا كۆمه‌لكۆژییا كوردێن ئێزدى، داخوازا بجهئینانا تماما رێككه‌ڤتنا شنگالێ و قانوونا قورتالكرنا ئێزدییان دكه‌ت.
ماتیۆ میله‌ر په‌یڤدارێ وه‌زاره‌تا ده‌رڤه یا ئه‌مریكا دراگه‌هاندنه‌كێدا گوت : پشته‌ڤانییا وان بۆ كۆمه‌لگه‌ها ئێزدییان نه‌هاتییه گوهۆرین، د ده‌مه‌كیدا ئه‌و ڤێ رۆژێ بیر دئینن، ل سه‌ر فشارێن خوه بۆ دادپه‌روه‌رى و لێپرسینێ دگه‌ل قوربانى و قورتالبوویان و رێزگرتن ل مافێن مرۆڤى یێن هه‌موو ئێزدییان دبه‌رده‌وامن.
وه‌زاره‌تا ده‌رڤه یا ئه‌مریكا دیاركر، دگه‌ل هندێ كو ئه‌و شنگالێ و پێكهاته‌یین وێ ب مالا خوه دزانن، داخوازا بجهئینانا تمام یا قانوونا قورتالبوویێن ئێزدى و رێككه‌ڤتنا سالا 2020ێ یا شنگالێ دكه‌ن.
