فۆرما به‌لاڤكرنا 9.000 هزار یه‌كه‌یێن ئاكنجیبوونێ بۆ كرێچی و كێمده‌رامه‌تان هاته كاراكرن، وه‌زاره‌تا ئاڤه‌دانكرنێ دبێژیت: دێ بێى پێشه‌كى هێنه به‌لاڤكرن.
حكومه‌تا هه‌رێما كوردستانێ راگه‌هاند، فۆرما وه‌رگرتنا یه‌كه‌یێن ئاكنجیبوونێ بۆ وه‌لاتییێن كێمده‌رامه‌ت یێن هه‌رێما كوردستانێ هاته كاراكرن و وه‌زیرێ ئاڤه‌دانكرن و ئاكنجیبوونێ دبێژیت: وه‌لاتییان هه‌تا ئێكى كانوونا ئێكێ ده‌م بۆ پركرنا فۆرمێ هه‌یه.
دانا عه‌بدولكه‌ریم وه‌زیرێ ئاڤه‌دانكرن و ئاكنجیبوونێ ل هه‌رێما كوردستانێ د پرێسكۆنفرانسه‌كیدا راگه‌هاند، ئه‌و وه‌لاتییان ئاگه‌هدار دكه‌ن، پێگه‌هێ ئه‌لیكترۆنییێ تایبه‌ت ب پێشكێشكرنا فۆرما یه‌كه‌یێن ئاكنجیبوونێ بۆ خه‌لكێ كێمده‌رامه‌ت هاته ڤه‌كرن، ئه‌ڤرۆ هاته كاراكرن و وه‌لاتییێن خوه ژ هه‌ژى دزانن، دشێن وێ فۆرمێ پر بكه‌ن.
دیار ژى كر، فۆرمه ب هاریكارى و پێشنیازێن كۆمه‌لا كرێچییێن كوردستانێ هاتییه ئاماده‌كرن، كاراكرنا ئه‌ڤى پێگه‌هى بۆ هندێیه وه‌لاتى بشێن داخوازییێن خوه پێشكێشبكه‌ن و پربكه‌ن، فۆرمه‌ژى دێ هه‌تا ئێكى كانوونا ئێكێ یا ئه‌ڤ ساله به‌رده‌وام بیت.
لینكێ پركرنا فۆرمێ :
http://ru.emocah.com/index.php?module=users/registration
