<h3 style="text-align: justify;"><span style="font-size: 18pt;">ب هه‌لكه‌ڤتا 77 سالییا دامه‌زراندنا پارتى دیموكراتى كوردستان، ئێكگرتویا ئیسلامییا كوردستانێ په‌یامه‌كا پیرۆزباهییێ ئاراسته‌یى سه‌رۆك بارزانى، مه‌كته‌با سیاسى، سه‌ركردایه‌تى و لایه‌نگرێن پارتى كر.</span></h3> <h3 style="text-align: justify;"><span style="font-size: 18pt;">جڤاتا بجهئینانێ یا ئێكگرتویا ئیسلامییا كوردستانێ په‌یامه‌كا پیرۆزباهییێ ئاراسته‌یى سه‌رۆك بارزانى، مه‌كته‌با سیاسى، سه‌ركردایه‌تى و لایه‌نگرێن پارتى كر و تێدا هاتییه، ئه‌ڤ هه‌لكه‌ڤته د ده‌مه‌كیدایه كو هه‌رێم د ره‌وشه‌كا ئالۆز و هه‌ستیاردا ده‌رباز دبیت و ل به‌رده‌م چه‌ندین گوهۆرینێن مه‌ترسیدار دایه، پێدڤییه ب به‌رپرسیارانه سه‌ره‌ده‌رى بهێته كرن و رێكه‌چاره‌یێن گونجاى بهێنه دیتن.</span></h3> <h3 style="text-align: justify;"><span style="font-size: 18pt;">ئێكگرتویا ئیسلامییا كوردستانێ دپه‌یاما خوه‌دا ئه‌وژى دیاركر، ده‌ركه‌ڤتنا ژ ڤێ قووناغا هه‌ستیار، ده‌ستپێشخه‌رییێن ب وێره‌ك و به‌رپرسیارانه دڤێن، رێكخستنا ناڤ مالا كوردى و پێشوازییه‌كا جوان ل هه‌لبژارتنێن په‌رله‌مانێ كوردستانێ، پشكه‌كا سه‌ره‌كییا وێ پرۆسه‌یێ یه.</span></h3> <h3 style="text-align: justify;"><span style="font-size: 18pt;">دووپاتى ژى ل پاراستنا جهناڤێ سه‌ره‌نێ ئایینى و بهایێن بلندێن گه‌لێ كورد دكه‌ن، زێده‌بارى حه‌زا ئێكگرتویێ بۆ به‌رده‌وامیدا پێشڤه‌برنا په‌یوه‌ندییێن دناڤبه‌را هه‌ردوو لایه‌ناندا.</span></h3> <h3 style="text-align: justify;"><span style="font-size: 18pt;">سوبه‌هى 16ى ته‌باخا 2023ێ 77 سالییا دامه‌زراندنا پارتى دیموكراتى كوردستانێ یه، دوێ رۆژێدا پارت و لایه‌نێن سیاسییێن هه‌رێما كوردستانێ و عیراقێ و ده‌ڤه‌رێ دێ په‌یامێن پیرۆزباهییێ ئاراسته كه‌ن.</span></h3>
