<h3 style="text-align: justify;"><span style="font-size: 18pt;">به‌رپرسێ راگه‌هاندنا رێڤه‌به‌رییا چاندنێ ل قه‌زا ئاكرێ راگه‌هاند، به‌رهه‌مێ ئه‌ڤ ساله یێ هژیران ژبه‌ر گوهۆرینا سه‌قاى گیروبوویه، ئه‌و پێشبینییا حه‌فت هه‌تا نه‌هـ هزار ته‌نێن هژیران ژ به‌رهه‌مێ ئه‌ڤ ساله دكه‌ن.</span></h3> <h3 style="text-align: justify;"><span style="font-size: 18pt;">ئه‌ندازیار كاروان جه‌مال به‌رپرسێ راگه‌هاندنا رێڤه‌به‌رییا چاندنێ ل ئاكرێ بۆ ئاژانسا خانى دیاركر، به‌رهه‌مێ هژیرێن ئه‌ڤ ساله ل پێش سالا بوورى گیروبوویه، كو وه‌كو ڤى ده‌مى ل سالا بوورى ئه‌گه‌ر هه‌ر ژ داره‌كێ سێ زه‌مبیل هاتبانه پركرن، ئه‌ڤ ساله ب تنێ ئێك زه‌مبیل هاتییه پركرن، ئه‌ڤه‌ژى ژ ئه‌گه‌رێ گوهۆرینێن سه‌قاینه و گوت : هه‌ر داره‌كێ 30 هه‌تا 35 كیلۆیێن هژیران پێڤه‌نه لێ هه‌تا نوكه به‌رهه‌م هه‌موو ب تمامى نه‌گه‌هشتییه.</span></h3> <h3 style="text-align: justify;"><span style="font-size: 18pt;">ئاماژه ب هندێ ژى دا، ئه‌و پێشبینییا حه‌فت هه‌تا نه‌هـ هزار ته‌نێن هژیران دكه‌ن، نه‌كو ب تنێ دێ ل ئاكرێ كه‌ڤنه د بازاریدا، به‌لكو دێ بۆ دهۆك، هه‌ولێر و سلێمانییێ هێنه هنارتن، هه‌روه‌سا دێ ره‌وانه‌ى باژێرێن عیراقێ ژى هێنه‌كرن و ره‌نگه بۆ وه‌لاتێن ژ ده‌رڤه‌ى عیراقێ ژى بهێنه هنارتن.</span></h3> <h3 style="text-align: justify;"><span style="font-size: 18pt;">ئاشكرا ژى كر، د ئه‌ڤ ساله‌دا گه‌له‌ك ژ جۆتیارێن ئاكرێ بیستانێن خوه كرینه هژیر، دنوكه‌دا نێزیكى 1700 دونه‌مێن بیستانێن هژیران ل ئاكرێ، دینارتێ و بجیلێ و گرده سێنێ هه‌نه، نێزیكى 250 هزار شتلێن هژیران ل وان دونه‌مان هاتینه چاندن و باشترین هژیر یێن ده‌ڤرا نه‌هلێ نه.</span></h3> <h3 style="text-align: justify;"><span style="font-size: 18pt;">سه‌باره‌ت جۆرێن هژیران كاروان جه‌مالى دیاركر، سێ جۆرین سه‌ره‌كییێن هژیران ل ئاكرێ هه‌نه، ئه‌وژى یه‌حیا به‌گ، بێناتى و سوور خالن، هژیرا یه‌حیابه‌گ ژبه‌ركو یا شرینه ژ هه‌موویان پتر داخوازى ل سه‌ر هه‌یه.</span></h3>
