مەسرور بارزانی، جێگرێ سەرۆکێ پارتی دیموکراتی کوردستان د سالڤەگەڕا دامەزراندنا پارتی دیموکراتی کوردستان پەیامەكا پیرۆزباهییێ بەلاڤكر.
دەقێ پەیاما مەسرور بارزانی:
د 77مین سالڤەگەڕا دامەزراندنا پارتی دیموکراتی کوردستان و سال ڕۆژا ژدایکبوونا سەرکردە و ڕێبەرێ نیشتمانێ مە جەنابێ سەرۆك مەسعود بارزانی، گەرمترین پیرۆزباهی ئاراستەی جەنابێ سەرۆك و گشت ئەندام و لایەنگران و دۆستێن پارتی دیموکراتی کوردستان و بنەمال و کەسوکارێن سەربلندێن شەهیدان و ئەنفالکریان و پێشمەرگە ئازا و قاهرەمانێن کوردستان و هەمی کوردستانییان نیشتمانپەروەرا دكەم.
شازدەیێ ئاب، بتنێ دامەزراندنا پارتەكا دێرین و پێشەنگییا کوردستانێ ب ڕابەرایەتییا بابێ ڕوحییا نەتەوەیێ مە مستەفا بارزانییێ نەمر نینە، بەلکو د هەمان دەمدا سالڤەگەڕا قوتابخانەیەکا مەزن و ب ڕێز کوردایەتی و نیشتمانپەروەری و خۆنەچەماندن و بەرگریکرنێ یە ژ مافێن ڕەوا یێن گەلێ کوردستان ب گشت پێکهاتەیێن جودا كو هەتا نوكە بەردەوامە د خەبات و قوربانیدان و تێکۆشان و هەمی د سەنگەرێن پێشییێ یێن بەرگریكرن د قەوارە و خاك و مافێن گەلێ كوردستانێ.
پارتی، حزبا دایک و شۆڕشا مەزن و دەستکەفتێن مەزن، خودان دیرۆکەكا تژی شانازی و سەروەری و سەرۆکەكێ پێشمەرگەیە، کو ژیان و تەمەنێ خۆ بۆ بەرگریکرن د کەرامەت و سەرفرازییا گەل و نیشتیمان و ڕێزا کوردستانێ دابین كرییە.
پارتی هەردەم حزبا دەڤەرەكا دیاریكری یا کوردستانێ نەبوویە، بەلكو ل دەمێ دامەزراندنێ، هەمی سنوورێن دەڤەرێ دەربازكرییە و بوویە بزاڤەكا جەماوەرییا کوردستانێ و داکۆکیکرنا ب هێزا دەستکەفتێن نیشتمان و بهایێن ئازادی و دیموکراسیی و پارێزەرییا پێكڤەژیانا کوردستانێ.
مەسرور بارزانی
جێگرێ سەرۆکێ پارتی دیموکراتی کوردستان
2023/8/16
