فیفایێ بریار دا لویس روبیالێس، سەرۆکێ ئێكه‌تییا ته‌پا پێ یا ئیسپانیا، بۆ هه‌یاما سێ هه‌یڤان سر كر، ب شێوەكێ ده‌مكی هه‌تا ڤه‌كۆلین ته‌مام دبیت.
لویس رۆبیالێس، سەرۆکێ ئێكه‌تییا ته‌پا پێ یا ئیسپانیا ژ لایێ فیفا یێ ڤه هاته سزا دان” چونكی رۆبیالێسی د رێوڕەسمێن یارییا دووماهییا مۆندیالا خانمان دا ل ئوسترالیا و ل ده‌مێ ئاهەنگ گێڕانا یاریزانێن هەڵبژارتییێ ئیسپانیا ب ده‌ستڤه‌ئینانا ناسناڤی ب ماچکرنا جینیفەر هێرمۆسۆ، ده‌نگڤه‌دانه‌كا مه‌زن یا میدیایی په‌یدا كرییه و ماوێ چەندین رۆژایە بوویە باسه‌كێ گرنگ یێ میدیایان و رایا گشتی ل ئیسپانیا.
روبیالێسی بریاردا” ئه‌و دێ د پۆستێ خۆدا یێ بەردەوام بیت و دەست ژ کار ناکێشیت، بەلێ ئاراستەیا روودانان ل دژی وی، تووندتر و مه‌زنتر بوون و فیفایێ ب له‌ز هەلویست وەرگرت و سزا دا.
فیفایێ بڕیار دا، روبیالێس د بجهئینانا ئه‌ركێن خۆ د ئیكه‌تییا ته‌پا پێ یا ئیسپانیا دا، ل سەر ئاستێ ناڤخۆیی و نێڤدەولەتی دا، بۆ هه‌یاما 90 رۆژان بهێته راگرتن، ئه‌و بڕیارە هه‌ر ئه‌ڤرۆ دێ هێته بجهئینان.
