ئاژانسا خانی:
رووبه‌ره‌كێ باش یێ ئه‌ردی بۆ چاندنا پتاتان ل پارێزگه‌ها دهۆكێ هه‌یه و سالانه رێژه‌كا مه‌زن یا پتاتان ل دهۆكێ دهێنه به‌رهه‌م ئینان و ئه‌ڤ ساله ژی 126 کۆگه‌هێن سار بۆ کۆگه‌هکرنا پتاتان ل پارێزگه‌ها دهۆكێ هاتینه تەرخان کرن و د نوكه دا دهۆك ل سه‌ر ئاستێ هه‌رێمێ و عێراق ل پلا ئێكێ دهێت بۆ به‌رهه‌م ئینانا پتاتان.
ئەحمەد جەمیل، رێڤەبەرێ چاندنێ ل پارێزگه‌ها دهۆکێ، دیار كر: ئه‌ڤ ساله به‌رهه‌مێ پتاتان ل پارێزگه‌ها دهۆكێ 70% زێده بوویه و به‌رهه‌مێ وان گه‌له‌ك یێ باشه و هه‌روه‌سا حکومەتا هەرێمێ هاریکارییا جۆتیاران دكه‌ت” داكو به‌رهه‌مێن خۆ ل ناڤخۆیا هه‌رێمێ و ل دەرڤه‌یی هەرێما کوردستانێ ژی بفرۆشن و ئەڤ ساله پتات بۆ دەرڤه‌یی هەرێما کوردستانێ هاتینه هنارتن.
ناڤهاتی ئه‌و ژی گۆت: ل ڤان سالان ل پارێزگه‌ها دهۆکێ 126 کۆگه‌هێن سار بۆ هەلگرتنا به‌رهه‌مێن پتاتان هاتینه چێكرن و پتاتێن دهۆكێ ل سه‌ر ئاستێ هەرێما کوردستانێ و عێراقێ د پلەیا ئێكێ دانە و ڤێ چه‌ندێ وه‌كرییه كو بكر بۆ به‌رهه‌مێ پتاتان په‌یدا ببن و ئێدی به‌رهه‌مێ وان بۆ ده‌رڤه‌یی كوردستانێ دھێته هنارتن.
