<h3 style="text-align: justify;"><span style="font-size: 18pt;">په‌یڤدارا كۆمیسیۆنا بلندا سه‌ربه‌خۆ یا هه‌لبژارتنێن عیراقێ راگه‌هاند، ده‌مێ نووكرنا تۆمارا ده‌نگده‌رێن هه‌رێما كوردستانێ بۆ هه‌لبژارتنێن خۆلا شه‌شێ یا په‌رله‌مانى هه‌تا 20ى ئه‌یلولێ هاته درێژكرن و دبێژیت : ل ڤان نێزیكان خشته‌یێ كارێن هه‌لبژارتنان دێ هێته راگه‌هاندن.</span></h3> <h3 style="text-align: justify;"><span style="font-size: 18pt;">جۆمانه غه‌لادى په‌یڤدارا كۆمیسیۆنا بلند سه‌ربه‌خۆ یا هه‌لبژارتنێن عیراقێ ل دۆر نووترین پێشهاتێن تایبه‌ت ب هه‌لبژارتنێن خۆلا شه‌شێ یا په‌رله‌مانێ كوردستانێ دیاركر، جڤاتا كۆمیسیاران بریاردا ده‌مێ نووكرنا تۆمارا ده‌نگده‌رێن هه‌رێما كوردستانێ هه‌تا 20ى ڤێ هه‌یڤێ بهێته درێژكرن، ژ پێخه‌مه‌ت هندێ پترین كه‌س تۆمارێن خوه نوو بكه‌ن و ده‌رفه‌تا زێده‌تر ل به‌رده‌وم ده‌نگده‌ران هه‌بیت.</span></h3> <h3 style="text-align: justify;"><span style="font-size: 18pt;">ئاشكرا ژى كر، هه‌تا رۆژا سێى ئه‌یلولا 2023ێ 221 هزار و 74 كه‌سان تۆمارا ده‌نگدانا خوه نووكرییه، ژ وێ ژمارێ 32 هزار و 336 هزار كه‌س بۆ جارا ئێكێ یه دشێن ده‌نگێ خوه بده‌ن.</span></h3> <h3 style="text-align: justify;"><span style="font-size: 18pt;">سه‌باره‌ت رێكارێن تایبه‌ت ب رێڤه‌چوونا هه‌لبژارتنێن خۆلا شه‌شێ یا په‌رله‌مانێ كوردستانێ گوت : كۆمیسیۆن دێ ل پاشه‌رۆژه‌كا نێزیك ده‌ست ب ئاماده‌كرنا خشته‌یێ تایبه‌ت ب رێڤه‌چوونا هه‌لبژارتنێن په‌رله‌مانێ كوردستانێ كه‌ت و راگه‌هینیت، ئه‌و ل سه‌ر به‌رهه‌ڤییێن خوه بۆ هه‌لبژارتنان د به‌رده‌وامن.</span></h3>
